ULANGAN 12:30 - Susula Malalaok Hehelu Palak Ma Hehelu Beuk

³⁰ Metema, leoina sila-la, nanatao namate-namopo basak soona, manea matalolole, fo boso nalosak emi nana dulak neme leoina sila, sene-do'on neu matualain fe'ek-kala, nana tatao-nono'ik ndia, neni soe fe emi.

ULANGAN 12:30 Referans Kwoze

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

YEREMIA 10:2

Manetualain nafa'da nae, “Boso na'da leoina fe'ek-kala ha'da tataon, ma mita ta'du tana nai lalai-a, fo leoina sila bii-mamata'u soona boso nggenge.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

BILANGAN 33:52

emi muse usi heni nusak ndia, laun-nala lala'en-na. Taom-makalulutuk la'iesak sila sosongo-tatangon, fo ala taon neme batu ma liti-a mai, boema sila mamana sosongo-tatangon-nala.

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

ULANGAN 12:29

“Emi Manetualaim-ma, neukose Ana tao namate-namopo leoina fo, manaleo manai nusak ndia, nalosa emi hapu mangatuu-man, fo emi leo-ma nusak ndia.

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 20:18

Taomisas, fo ela ala boso tao-la emi, masala-masingo neu emi Manetualaim-ma, nenik lanoli emi tao tatao-nono'ik fo nanamaluak, ba'eneu sila lamatua daebafak-na.

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

ULANGAN 11:16

Boso nau hataholi fufu'di-oodok emi, fo emi dook-ka meme Manetualain mai, fo emi sene-do'ok ma mamahele neu lamatua daebafak fe'ek-kala.

ULANGAN 18:9

“Metema, emi masok mala emi Manetualaim-ma, Ana fe emi nusak-ka dalek soona, boso nanadulak neme leoina manai sila-la, tatao-nono'i mangalaun-nala mai.

2RAJA-RAJA 16:10

Lelek mane Ahas-sa, neu leo Damsyik neu, fo natongon-no Mane Tiglat-Pileser-ra boema, nita mei tunu-hotuk nai kota ndia. Boema, ana haitua mei tunu-hotuk ndia lupan-na, ma uuku-dodou matetun-na, leo Imam Uria nai Yerusalem.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”