ULANGAN 12:3 - Susula Malalaok Hehelu Palak Ma Hehelu Beuk

³ Tao matu'u mei tunu-hotun-nala, ma tao makalulutuk lutu batu sosongon-tatangon-nala. Hotu heni Asyera dodoki-dudulan-nala, ma tao makalulutuk sila ai batu dodoki-dudula sosongo-tatangon-nala, fo ela ala boso boe, sene-do'ok neu lamatua daebafak sila-la, nai mamanak sila bai.

ULANGAN 12:3 Referans Kwoze

HAKIM-HAKIM 2:2

Hu ndia de, emi ta bole tao hehelu-balataak esa boen, moo nusak ia laun-nala fa. Emi muse tao matu'u mei tunu-hotun-nala.’ Tehu, emi ta tao hata fo Au paleta basan ndia fa. Nakalenak emi tao hata, fo Au ta paletan neu emi fa!

BILANGAN 33:52

emi muse usi heni nusak ndia, laun-nala lala'en-na. Taom-makalulutuk la'iesak sila sosongo-tatangon, fo ala taon neme batu ma liti-a mai, boema sila mamana sosongo-tatangon-nala.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

MAZMUR 16:4

Nemen-na fo, hataholi manasene-do'ok neu lamatua daebafak-kala, dale he'din-nala, boetai tama lakandoo. Au ta nau fe tutunu-hohotuk, neu lamatua daebafak-kala fa, nakalenak, au ta nau seseik na'den-nala fa.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.

KELUARAN 23:13

Taoafik neu basa hata fo Au afa'dan neu emi. Boso sene-do'ok neu lamatua fe'ek-kala, lena-lenak seseik na'den-nala boeo, ta bole fa.”

NINITAK 13:1

Basa boema, au ita bana esa kalua neme tasi dale mai. Bana ndia susulan sanahulu, ma langan hitu. Susulan esa soona, hapu bulamolik esa, ma nai langan sila la esa-esak, nanasulak na'de nakamumulu-nakamamaek esa soaneu Manetualain.

MIKHA 5:14

Nai Au nasa-melu manalua pono-ponung-nga dalek, neukose Au balas basa leoina fo ala ta tunga Au fa, tatao-nono'i mangalaun-nala.”

HOSEA 2:17

Neukose, Au ta fen loak seseik Baal-la na'den-na so'on, nalosa neukose hataholi-a nafandele heni na'dek ndia.

YEREMIA 17:2

Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

2TAWARIKH 19:3

Leomae leondiak boe, bei hapu hata malole nai Ama Manek. Ama Manek si'uheni basa lamatua daebafa Inak Asyera dodoki-dudulan fo laun-na sene-do'ok-ka ma Ama Manek boeo sanga enok soaneu maso'da tunga Manetualain hihii-nanaun.”

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

2RAJA-RAJA 18:4

Ana tao nakalulutuk lamatua daebafak-ka mamana sosongo-tatangon-nala, ma ana tao natu'u batu lutun-nala, boema ana tao nalutu lamatua daebafak Inak Asyera, dodoki-dudulan. Boeo ana tao nakalulutuk menge liti, fo Musa taok-ka, fo loken lae Nehustan. Nana, losa lelek ndia, hataholi Israel-la, bei tunu boomenik fo fe ha'da-holomata neu menge liti ndia.

1RAJA-RAJA 15:13

Ana kaluaheni bein Maakha, neme nangatutuun-na, nana ana tao doki-dula sosongo-tatango manasosoa-piaok soaneu Asyera, lamatua daebafa inak fo manafe bubu'u-palusa lalole. Asa tao nakalulutuk sosongo-tatangok ndia de ana hotuhenin neme Bafak Kidron-na.

2TAWARIKH 14:3

Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 12:4

Nai lelek, emi sene-do'ok neu emi Manetualaim-ma soona, boso nana dulak neme hataholi sila-la sene-do'on neu sila lamatua daebafak-na.

1RAJA-RAJA 14:15

Neukose Manetualain huku Israel nalosa nanggonga-nggangik sama leo fii dook-ka nai oe dale. Neukose Manetualain fe'aheni Israel neme nusak malole fo Ana fen neu sila bei-ba'i kai nala ia. Neukose Ana tao tapasasalas leo Lee Efrat-ta selik leu, nanahu ala lafofo'a basa nasa-melun nenik ala tao Asyera fo lamatua daebafa inak-ka, doki-dulan.

2RAJA-RAJA 11:18

Basa ndia boema, laun-na leu sapu-la Baal uma sosongon-na, de ala tao latu'un. Ala tao lakalulutuk mei tunu-hotuk-ka, boema dodoki-dudulan-nala, ma ala taolisa Matan, fo Baal imam-ma, nai mei tunu-hotuk sila-la matan-na. Yoyada fe bela-ba'uk neu manamanea-la, fo lanea Manetualain Uman-na,

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

2TAWARIKH 14:2

Asa nandaa no Manetualain dalen-na nenik ana tao hata fo ndoos ma matetuk ma malole.