ULANGAN 12:26 - Susula Malalaok Hehelu Palak Ma Hehelu Beuk

²⁶ Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:26 Referans Kwoze

BILANGAN 18:19

Losa dodoon-na, basa tunu-hotu hehelik, fo hataholi Israel-la, leni fen leo Au mai, Au fen leo o, ma leo o anatou-anainam neu. Nakanenetek ndia nanapakek losa dodoon-na, ma ana da'di hengenee-balataak esa neu Au ma o, ma o tititi-nonosim.”

ULANGAN 12:21

Metema, emi Manetualaim-ma hele mamanak-ka, dook-ka nanseli neme emi mamana leleom-ma mai soona, emi bole do'do sapi esa, bi'ilopo do bi'ihiik, fo Manetualain fe emi kala, fo mi'a su'di bebe'ik-ka, nai emi mamanam-ma, sama leo au afa'da basan neu emi so.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

KEJADIAN 28:20

Boema Yakob soo nae, “Metema, Manetualain tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek,