ULANGAN 12:25 - Susula Malalaok Hehelu Palak Ma Hehelu Beuk

²⁵ Metema, emi tunga paleta sila-la soona, neukose Manetualain namahoko, de emi moo emi tititi-nonosim-mala, neukose maso'da no tetu-temak.

ULANGAN 12:25 Referans Kwoze

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

ULANGAN 13:18

sa'di emi tunga basa paletan fo, au anduku-alosak-kana neu emi, nai faik ia dalen-na, ma tao tunga basa hihii-nanaun lala'en-na.”

ULANGAN 6:18

Tao hata fo, tunga Manetualain mata memeten-na, malole ma ndos ma matetuk, soona neukose emi hapu tetu-temak. Dae maoe-maisi fo, Manetualain helu basan neu emi bei-ba'i kaim-mala, neukose ana da'di emi pusakam,

YESKIAL 33:25

Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

MAZMUR 112:2

Neukose, anan-nala lanuu koasa nusak ia, neukose hataholi malole-a tititi-nonosin, nanaba'e-palak.

ULANGAN 12:28

Metema emi taoafik matalolole neu basa hata lala'en fo, au paletan neu emi, soona emi tao tatao-nono'i malole fo nandaa no emi Manetualaim-ma dalen-na, nalosa emi moo emi tititi-nonosim-mala, so'da-molek ma tetu-temak, losa dodoon-na.”

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 12:24

Ta bole mi'a daan-na makandondook fa, te emi muse po'ahenin leo dae lain neu, sama leo oe-a.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

ULANGAN 21:9

Soona, no emi tao-no'i hata fo Manetualain noken, de ta na'da nae, emi nde lu'a-lepa kanisak ndia fa.”