ULANGAN 12:17 - Susula Malalaok Hehelu Palak Ma Hehelu Beuk

¹⁷ Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

ULANGAN 12:17 Referans Kwoze

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

ULANGAN 26:12

Tunga-tunga teuk-ka telun-na soona, emi muse fe tunu-hotu hahapu dadain ba'ek esa neme ba'eneu sanahulu mai, neme emi daem-ma buna-boan mai, leo hataholi Lewi-la, hataholi nusa dea-la, faluina anamaak-kala, fo ela ala hapu nana'ak fo, ala paluuk-kala, nai basa emi kotam-mala dalek. Metema basa soona,

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

1 KORINTUS 10:18

So'ba taoafik neu hataholi Yahudi la. Sila fo mana'a nana'ak manai mamana tutunu-hohotuk lain ndia nde bee na, nde hataholi fo ala da'di esa no mamanak ndia.

SEMUEL SUSULAK-KA ESAN-NA 1:4

Neu faik fo metema Elkana tunu-hotu tutunu-hohotuk soona, ana fe Pinehas no basa anan-nala paa tutunu-hohotuk ndia seli.

2TAWARIKH 31:14

Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.