ULANGAN 12:13 - Susula Malalaok Hehelu Palak Ma Hehelu Beuk

¹³ Emi ta bole tunu-hotu emi tutunu-hohotum, su'di nai mamanak bee fo, emi hele aom,

ULANGAN 12:13 Referans Kwoze

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.

1RAJA-RAJA 15:34

Basa leo manek Terobeam fo ana paletan-nakahuluk-kana, mane Baesa boeo nasala-nasingo neu Manetualain de ana tao na hataholi Israel-la lasala-lasingo.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:14

tehu ka'da nai mamanak fo, Manetualain helen nai emi leom esa daen-na. Ka'da nai mamanak ndia nde, emi muse tunu-hotu tutunu-hohotu nanatunuk, ma tao-no'i tatao-nono'ik fo, au paletan neu emi.

YOSUA 22:29

Mamahele leona, te ami ta nau la'ban Manetualain fa, do hahae makaluku-makatele neun, nenik popo-tama seluk mei tunu-hotu fe'ek, soaneu tutunu-hohotu nanatunuk do tutunu-hohotu gandum do soaneu tunu-hotuk, te se'kona, Manetualain fo ita Manetualain-na nanuu mei tunu-hotuk nai Manetualain Lalaa Teman-na, matan-na so.”

1RAJA-RAJA 3:2

Nanahu Manetualain Uman-na beita nananafofo'ak nai lelek ndia fa, de laun-na bei fe tutunu-hohotuk boomenik nai pupukuk-kalalain manai mamana mata-matak-kala.

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.