ULANGAN 12:11 - Susula Malalaok Hehelu Palak Ma Hehelu Beuk

¹¹ Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:11 Referans Kwoze

ULANGAN 15:20

Tunga teuk, emi ma emi teidalem-mala, muse mi'a paan-na nai emi Manetualaim-ma matan, nai mamanak fo Manetualain helek-ka.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 18:6

Metema, leo Lewi esa, ana da'di neme su'di kota bee mai, nai Israel, ana mai leo Manetualain hele mamanak-ka mai, fo ana leo nai ndia soona,

ULANGAN 17:8

Metema, manakee-manafula manai mamanak ndia, ala ta laketu-lala'di lalelak dede'ak ndia fa, nanahu nakeketun-na, tean-na seli, fo nde hataholi fo ana tutu'u basa, soaneu ana taonisa hataholi, do ana ta name'da fa te, ana taonisa hataholi, nale'a-napilik la'eneu pusaka, do esa tao nakahina esa soona, emi muse meu leo, emi Manetualaim-ma hele mamanak-ka meu.

YEREMIA 7:12

Meu leo Silo, kota fo makahulun-na, Au helen da'di mamana makaluku-makatele neu Au. Mete su'dik, hata fo Au tao basan, soaneu mamanak ndia, nanahu Au anang Israel sala-singon.

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

1RAJA-RAJA 8:13

Besak ia au afofo'a uma mana'ahiik soaneu O, soaneu O mamana leleo ma losa dodoon-na.”

YOSUA 18:1

Langatuu-la Manetualain helu nusak-ka boema, hataholi Israel-la lala'en-na, lakabubua nai Silo, de lapadedeik Lalaa temak soaneu Manetualain mamain-na.

ULANGAN 31:11

emi muse lees mapane'e, hoholo-lalanek ia-la neu hataholi Israel fo, manamai sene-do'ok neu emi Manetualain-ma, nai Ana hele mamanak-ka.

ULANGAN 26:2

fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.

ULANGAN 23:16

Ana bole hele mamanak nai emi kotam esa, fo ana leo, boema emi ta bole tao balakaik neu fan.

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:21

Metema, emi Manetualaim-ma hele mamanak-ka, dook-ka nanseli neme emi mamana leleom-ma mai soona, emi bole do'do sapi esa, bi'ilopo do bi'ihiik, fo Manetualain fe emi kala, fo mi'a su'di bebe'ik-ka, nai emi mamanam-ma, sama leo au afa'da basan neu emi so.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:14

tehu ka'da nai mamanak fo, Manetualain helen nai emi leom esa daen-na. Ka'da nai mamanak ndia nde, emi muse tunu-hotu tutunu-hohotu nanatunuk, ma tao-no'i tatao-nono'ik fo, au paletan neu emi.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

ULANGAN 12:13

Emi ta bole tunu-hotu emi tutunu-hohotum, su'di nai mamanak bee fo, emi hele aom,

YOSUA 22:23

Manetualain mesak-kana huku ami, metema ami manuu dudu'a la'ban Manetualain nenik ami mapadedeik ami mei tunu-hotu mesam-ma, fo tunu-hotu tutunu-hohotu nanatunuk, do tutunu-hohotu gandum, do tutunu-hohotu tia-laik-ka neu lain.

YOSUA 22:27

tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.

SEMUEL SUSULAK-KA ESAN-NA 1:21

Fain-na losa, Elkana no uma isin-na leu seluk leo Silo leu, fo tunu-hotu fe Manetualain tutunu-hohotu teuk-ka. Fe'ek neme ndia mai, Elkana naheluk basa, soaneu tunu-hotu tutunu-hohotu hehelik.

2TAWARIKH 6:20

Ela leo been-na lele'do le'odaen O masulu-mahapa uma ia, uma fo O hele basan da'di leo mamana makaluku-makatele neu O so. Ela leo been-na neme O mamana leleom fo manai nusa so'dak-ka, O mamanene ma fe do'o do ampon neu au boema hataholi Israel fo O anam sila la, metema ami mai fo hule-haladoi neu O nai uma ia.

2TAWARIKH 7:12

Manetualain natu'du seluk aoinan-na neun nai fai le'odaek. Manetualain nafa'dan nae, “Au amanene o huhule-haladoim so ma Au sipok uma ia da'di leo mamana hehelik soaneu fe tutunu-hohotuk ba'eneu Au.

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

MAZMUR 100:2

Makaluku-makatele no namahoko-seteleek neu Manetualain, mai leo matan-na mai no nakamee namahokok!

ULANGAN 15:19

“Sapi maneanak, ma bi'ihii maneanak, bi'ilopo maneanak fo, nanabongi makasososak-kala, emi muse tunu-hotu fen neu emi Manetualaim-ma. Ta bole pake sapi sila-la, soaneu ala hela luku nai ha'deoe dale fa, ma ta bole nggute bi'ilopo sila-la, bulun-na fa.

YOSUA 9:27

Tehu ala taos da'di ata, fo nde manabia ai ma manalepa oe soaneu hataholi Israel-la, ma soaneu Manetualain mei tunu-hotun. Losa besak ia, ala bei tao lahele tatao-nono'ik ndia, nai mamanak fo Manetualain manakoasa hele fes, da'di mamana makaluku-makatele ba'eneun.

YOSUA 22:11

Hataholi Israel fe'ek fo sila bei leoina esa, lamanene boema, lafa'da lae, “Leo Ruben, Gad ma leo Manasye manai Lee Yarden-na boboan dulu, hataholin-nala lapadedeik-la mei tunu-hotuk esa nai Gelilot, deka no Lee Yarden-na, nai ita nusan dale ndia!” Boema, basa-basas lakabubua nai Silo, fo sanga leu lata'ti loo Israel leo-leon manai Lee Yarden-na boboan dulu ndia.

YOSUA 22:16

Boema no Manetualain, anan-nala lala'en-na na'den-na, lafa'da hataholi maneme leo Ruben, Gad ma leo Manasye sila lae, “Tao le'e de, emi tao dede'a mangalauk ia, soeneu Israel Manetualain-na? Hu kande, emi mesam-ma mafofo'a aom emi mei tunu-hotum-ma, de emi la'ban Manetualain! Emi ta tunga paletan-nala so'on!

YOSUA 22:29

Mamahele leona, te ami ta nau la'ban Manetualain fa, do hahae makaluku-makatele neun, nenik popo-tama seluk mei tunu-hotu fe'ek, soaneu tutunu-hohotu nanatunuk do tutunu-hohotu gandum do soaneu tunu-hotuk, te se'kona, Manetualain fo ita Manetualain-na nanuu mei tunu-hotuk nai Manetualain Lalaa Teman-na, matan-na so.”

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

1 TAWARIKH 22:1

Boema Dauk nae, “Nai mamanak ia nde nafofo'a Manetualain Uman na. Ma nai mei tunu-hotuk ia nde hataholi Israel-la fe sila tutunu-hohotu nanatunun na neu Manetualain.”

MAZMUR 66:13

Neukose au uni tutunu-hohotu nanatunuk leo O Umam neu fo au tao atetu, au hehelu-balataang neu O,,

MAZMUR 116:17

Neukose au ini fe O, tutunu-hohotu makasi, boema au atu'du huhule-haladoik neu O.