ULANGAN 11:21 - Susula Malalaok Hehelu Palak Ma Hehelu Beuk

²¹ Soona, neukose emi ma emi anam-mala, hapu fai naluk-le'do loak nai nusak fo, emi Manetualaim-ma helu basa, Ana fen leo emi bei-ba'i kaim-mala neu. Nai lelek lalai-a bei nai daebafak-ka lain, nai lelek ndia boeo, neukose emi bei leo nai nusak ndia.

ULANGAN 11:21 Referans Kwoze

AMSAL 4:10

Anang-ngonei, mamanene au! Taoafik matalolole, au nanoli-nafa'dang-ngala, soona neukose o teum-ma namanalu.

AMSAL 3:2

fo ela o hapu teu naluk, ma o so'dam-ma tetu-temak.

AMSAL 9:11

Manatee-tenok-ka ana fe o teu fai manalu.

MAZMUR 72:5

Ela leo been-na, nakatatakak neme bobongik leo bobongik neu, nai lelek le'do no bulak-ka bei lai lalai-a.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

NINITAK 20:6

Maua-manalek neu hataholi fo nanatao naso'da falik nai kala'i makasososan ndia. Sila landaa da'di Manetualain nuun. Mamate kala'i dua, ana ta koasa sila so'on. Neukose ala da'di Manetualain ima mala, ma Kristus ima mala, ma neukose ala paleta sama-sama lon teuk lifun esa dale na.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

AMSAL 3:16

Manatee-tenok-ka, ana fe o teu naluk, su'i-betes ma ha'da-holomata.

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 11:9

Ma neukose, emi maso'da mala dook-ka, nai nusa kamasu'ik ma maoe-maisik fo, Manetualain helu basa, Ana fen leo emi bei-ba'i kaima-mala no tititi-nonosin-nala neu.

MAZMUR 89:30

Au akataka ahele kandela manen-na, nai lelek lalai-a, bei nai daebafak-ka lain upu-anan neme bobongik leo bobongik neu, neukose langatuu kandela manen-na.