ULANGAN 11:17 - Susula Malalaok Hehelu Palak Ma Hehelu Beuk

¹⁷ Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

ULANGAN 11:17 Referans Kwoze

1RAJA-RAJA 8:35

Metema O ana mala lasala-lasingo neu O fo O hukus nenik O ta makona fes u'dan fa boema ala tukatei-saledale leme sila sala-singo nala mai, ma ala fe ha'da-holomata neu O da'dileo Manetualain, basa boema ala la'ok lasale leo uma hule-haladoik ia mai, boema ala hule-haladoi neu O lae,

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

2TAWARIKH 6:26

Metema O anam-mala lasala-lasingo neu O fo O hukus nenik O ta makona u'dan-na boema ala tuka tei-sale dale leme sila sala-singon-nala mai fo ala fe ha'da-holomata neu O da'di leo Manetualain, basa soona ala mai leo O Umam ia mai, boema ala hule-haladoi neu O lae,

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

2TAWARIKH 7:13

Metema Au ta fe u'dan-na mai do Au haitua lamak-ka mai soaneu la'aheni buna-boak manai daebafak-ka do Au fe he'di-laus neu Au anang-ngala,

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

ULANGAN 9:19

Au bii-amata'u neu Manetualain nasa-melun fo, manapila lo'a-lo'ak-ka neu emi, nalosa emi nau, Ana tao namate-namopo emi, tehu oek ia boeo, Manetualain namanene au dokodoeng-nga.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

AYUB 12:15

Ana bakate'te ketu oe-a, soona basa-basan lala'en-na, lamatuu, ma ala da'di dae tokotik; Metema, Ana soi henin, soona faaina mai!

IMAMAT 26:19

Emi koao-ndaeao manseli, tehu neukose, Au akadadaek emi. Neukose, u'dan-na ta mai fa, nalosa emi dae-ma namatuu ma natea sama leo besi-a.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.