ULANGAN 1:43 - Susula Malalaok Hehelu Palak Ma Hehelu Beuk

⁴³ Au anduku-alosak hata fo Manetualain nafa'dan ndia neu emi, tehu emi ta taoafik neu fan. Emi lena-la'ban Manetualain paletan-na, nenik koao-ndaeaok emi meu leo dae letelepak ndia meu.

ULANGAN 1:43 Referans Kwoze

BILANGAN 14:44

Tehu hataholi Israel sila-la, lakatatasa dale de ka'da kae lakandoo leo letek ndia poin-na leu, leomae Musa ma Peti Hehelu-balataak-ka, ta la'oela lalaa oofuk ndia fa.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

BILANGAN 14:40

Balahaa fafaianak boema, ala laheheleaon fo sanga kae leo letek-ka poin-na leu. Ala lafa'da lae, “Memak, ami masala-masingo basa so. Tehu besak ia, ami maheheleaom basa, fo meu leo mamanak fo Manetualain natu'dun.”

BILANGAN 15:30

Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

ULANGAN 1:26

Tehu, emi lena-la'ban emi Manetualaim-ma paletan-na, de emi ta nau masok nusak ndia fa.