ULANGAN 1:42 - Susula Malalaok Hehelu Palak Ma Hehelu Beuk

⁴² Tehu Manetualain nafa'da au nae, ‘O boso po'ilotak-kasa leu latee-lata'ti, nana neukose Au ta o fas, mahani te, neukose sila musun-na, sengis.’

ULANGAN 1:42 Referans Kwoze

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

SEMUEL SUSULAK-KA ESAN-NA 4:2

Solda'du Filistin-nala mulai sapu, de latee-lata'ti leni mamate-momopon, boema solda'du Israel-la kala, de mate hataholi, fafa'kama lifun haa nai natee-natatik dale.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

SEMUEL SUSULAK-KA ESAN-NA 4:10

Basa boema, hataholi Filistin-nala latee-lata'ti no napalanik, de ala sengi solda'du Israel-la. Hataholi Israel-la lalai fali le'us leo sila esa-esak mamana ofun-na neu. Kakalak ndia, tete'ek-ka ba'un-na seli: de mate solda'du Israel lifun teluhulu.