ULANGAN 1:16 - Susula Malalaok Hehelu Palak Ma Hehelu Beuk

¹⁶ Nai lelek ndia, au fe sila bela-ba'uk-ka nde ia: Taoafik neu nale'a-napilik fo manada'dik manai emi leoinam-ma dalek. Maketu-mala'di tunga ndoos ma matetuk, nau la'e hataholi fo emi leoina esa, do la'e hataholi nusa dea fo manaleo lai emi nusam dale boe.

ULANGAN 1:16 Referans Kwoze

YOHANIS 7:24

Boso maketu-mala'di hataholi tunga hata fo emi mitan, te maketu-mala'di tunga ka'da matetu na.”

IMAMAT 24:22

Pake hoholo-lalanek ndia soaneu emi basa-basam-mala, ma soaneu hataholi nusa dea manaleo lahele nai emi tala'da boe, nanahu, Au nde emi Amam Manetualaim-ma.”

KELUARAN 22:21

Boso tuni-ndeni, do ta tao tunga ndoos ma matetuk soaneu hataholi manamai-a; mafandendelek te makahulun-na, emi hataholi manamai nai Masir boe.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

MAZMUR 58:1

Soaneu mauli-malanga nakameek. Tunga nakameek: Boso tao mamopo-mamaten. Kokoa-kikiok neme Dauk-ka mai.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

ULANGAN 31:14

Basa boema, Manetualain nafa'da Musa nae, “O so'dam-ma, ta dook-ka so'on. Da'di, muu fo moo Yosua leo Au Lalaa Temang-nga neu, fo ela Au fen natutu'duk.” Boema, Musa no Yesua leu leo Manetualain Lalaa Teman-na leu,

ULANGAN 27:11

Boema, Musa nafa'da leoina sila-la nae,

ULANGAN 24:14

Boso ese-lumu hataholi mana'a ngga'di nuu taak-hata taak ma manato'a-taak-ka, nau emi leoinam do hataholi nusa dea fo, manaleo nai emi kotam esa boe.

BILANGAN 27:19

Madenun fo napadeik neu Imam Eleazar-ra, ma basa hataholi Israel-la lala'en-na matan. O muse po'a-benga nai basa hataholi sila-la matan, mae Yosua nggati o.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

1 TESALONIKA 2:11

Emi bubuluk basa, ami sue-lai emi esa-esak, sama leo amak esa, ana sue-lai ana nala.

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

AMSAL 31:9

Matee-mata'ti soaneus, ma da'di manakee-manafula ndoos ma matetuk. Masulu-mahapa hataholi nuu-taa hata-taak-ka, ma hataholi nanatuni-ndenik-ka, hak-ka.”