ULANGAN 1:15 - Susula Malalaok Hehelu Palak Ma Hehelu Beuk

¹⁵ Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

ULANGAN 1:15 Referans Kwoze

ULANGAN 16:18

“Nai emi Manetualaim-ma fe emi kota-la esa-esak, emi muse so'u manakee-manafula, ma manapaleta, soaneu laketu-lala'di laun-na dede'an-na, no ndoos ma matetuk.

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

SEMUEL SUSULAK-KA ESAN-NA 22:7

nafa'da basa malanga solda'du matuainan sila-la nae, “Mamanene leona, hai hataholi Benyamin-nala lemin! Ade, touk fo mana'de Dauk ndia, neukose ana fe emi tina ma osi angol do? Ade, neukose ana so'u emi basa-basam-mala, da'di malanga solda'du matuaina nai solda'dun-nala dalek do?

SEMUEL SUSULAK-KA ESAN-NA 17:18

Boeo, meni fe malanga solda'du-a, keju balek sanahulu nde ia. Matanen, o ka'am-mala leo beek, fo meni fe au buti, mae o matongo moos so, de bei so'da-molek-kala.

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.

BILANGAN 31:14

Musa namanasa basa malanga solda'du manai lain-nala, ma basa malanga solda'du-la, ma malanga solda'du manai dae, fo besak-ka ala fali ma'is leme natee-natatik dale mai.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

BILANGAN 1:4

Moke mauli-malanga leo-ingu esa neme leo-la esa-esak mai, fo ala fali emi.”

ULANGAN 1:14

Boema emi sipok au hala nonokeng ndia no malole.

ULANGAN 1:16

Nai lelek ndia, au fe sila bela-ba'uk-ka nde ia: Taoafik neu nale'a-napilik fo manada'dik manai emi leoinam-ma dalek. Maketu-mala'di tunga ndoos ma matetuk, nau la'e hataholi fo emi leoina esa, do la'e hataholi nusa dea fo manaleo lai emi nusam dale boe.

KELUARAN 24:1

Basa boema, Manetualain nafa'da Musa nae, “Kae leo lain mai fo mataa Au, sama-sama moo Harun, Nadab ma Abihu, ma leoina mauli-malanagan ka hituhulun-nala, fo sene-do'ok neu Au, tehu boso deka Au.