TITUS 3:15 - Susula Malalaok Hehelu Palak Ma Hehelu Beuk

¹⁵ Basa tolanook fo sama-sama lo au a, ala haitua fe o nate'ak boe. Manduku-malosak ami nate'a ma neu ita nonoon fo, ita namahehelek esa. Ela leo bee na, Lamatua ka fe baba'e-papalak neu basa tolanoo kala. Ha'da-holomata neme ami, Paulus

TITUS 3:15 Referans Kwoze

IBRANI 13:25

Sa'di leo bee na Lamatua ka ba'e-pala tolanoo kala basa-basa mala.

1 TIMOTIUS 1:5

Au nanoli-nafa'dang ndia, tetee-tutu'dan nde, ela leo bee na, hataholi a dale na balisi ma dale nakababale na malalaok, boema namahele te'e-te'e neu Lamatua ka, fo no enok ndia, ala hapu lasue-lalai ao.

KOLOSE 4:18

Nate'ak neme au, Paulus. Au mesa nga nde sulak baba'ek ia. Boso mafandele henin te, besak ia au bei nai bui dale! Ela leo bee na, Lamatua ka fe baba'e-papalak neu emi. Ha'da-holomata neme ami, Paulus

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

3 YOHANIS 1:1

Tolanoo Gayus fo au sue-lai ka! Au ia, mauli-malanga salanik. Au sue-lai o te'e-te'e,

FILEMON 1:5

Nanahu au amanene hataholi la lafa'da lae, tolanoo ka namahele te'e-te'e neu Lamatuak Yesus, ma tolano ka sue-lai basa Manetualain hataholi kamahehele nala.

2 TIMOTIUS 4:22

Ela leo bee na, Lamatua ka nahele nai o boboa ma. Ela leo bee na, Lamatua ka fe baba'e-papalak neu tolanoo kala! Ha'da-holomata neme ami, Paulus

1 KORINTUS 16:23

Ela leo bee na Lamatuak Yesus ba'e-pala emi.

MATEOS 5:47

Boema metema emi fe ha'da-holomata neu ka'da emi nonoo mala mesa kasa soona, ade emi lena ma nde bee? Nanahu hataholi fo ta lalelak Manetualai na boeo, ala tao leondiak boe!

HATAHOLI 20:34

Tolanoo kala mita matam, au tunga-sanga aong au o hataholi mana tunga au a, paluu mala.