TITUS 1:15 - Susula Malalaok Hehelu Palak Ma Hehelu Beuk

¹⁵ Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

TITUS 1:15 Referans Kwoze

ROMA 14:14

Nanahu au da'di esa o Lamatuak Yesus so, de au amahele ta hapu hata esa boen fo manggenggeok so'on; tehu dede'ak ndia ana da'di manggenggeok soaneu hataholi esa, metema hataholi ndia nafa'da nae, hata ndia manggenggeok.

ROMA 14:20

Boso hu ka nde nana'a-nininu ka fo emi tao malutu hata fo Manetualain tao basak ndia. Memak basa nana'ak lala'ena ta nanakena-ka'ik soaneu ta'a fan; tehu metema hata fo emi mi'ak ndia nini sala-singok fe hataholi fe'ek soona, emi sala ndia so.

1 KORINTUS 10:23

Hataholi la lae, “Ita bole tao su'di beek fo ita nau.” La'en! Tehu ta basa hata fo ita tahii kana ndia, masosoak fa. “Ita bole tao su'di beek fo ita nau, tehu ta basa hata fo ita taon ndia, nini nafofo'ak fe ita maso'da na fa.”

MATEOS 15:18

Tehu mana kalua neme bafa ka mai a, ana kalua neme dale ka mai; fo ndia nde tao na hataholi a nanggenggeo.

ROMA 14:23

Tehu hataholi fo dale na bei naba'e soaneu na'a hata esa, tehu neu makabuin-na boema na'a nana'ak ndia soona, Manetualain fe salak neu hataholi ndia; nana hataholi ndia ta tao tunga namahelena la'eneu hata fo ndoos ma hata fo masala ka fa. Ma ana tao hata esa ta no namahehelek fa soona, sala-singok ndia.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

HATAHOLI 10:15

Tehu halak ndia nafa'da selu kana nae, “Hata fo Manetualain nafa'da basa nae, ta nanakena-ka'ik fa soona, o boso mafa'da mae nanakena-ka'ik.”

1 KORINTUS 8:7

Leomae leondiak boe, ta basa hataholi la lalelak dede'ak ndia fa. Sila fo makahulu na ala sene-do'ok neu sosongo-tatango ka, besak ia bei lame'da lae, nana'ak fo nanafe basak neu sosongo-tatango ka nde bee na nana'a sosongo-tatangok. Soona metema la'a nana'ak ndia soona, lame'da lae sila lasala-lasingo. Dede'ak ndia ana da'di hu ka nde namahehele nala beita latea-lahele fa.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

1 KORINTUS 10:25

Emi bole mi'a su'di beek fo lase'on nai pasa paa. Boso palisak makahulu kana, leomae hapu kekena-kaka'ik nai emi dale bobongoanam dale.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

AMSAL 21:4

Hataholi mangalauk ndia, nasala-nasingo, hu kande namatutua-namadedema aoinan-na, ma koao-ndaeaon-na.

HAGAI 2:13

Basa boema, Hagai natane seluk nae, “Leo uni'ka, hataholi esa da'di nanggenggeo, nanahu ana koila'e mamates, de basa boema, ana koila'e nana'ak sila-la matak esa, ade nana'ak ndia da'di nanggenggeo do ta?” Boema basa imam-mala lataa lae, “Hei, tao leo bee-o, nanggenggeo!”

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.