TITUS 1:12 - Susula Malalaok Hehelu Palak Ma Hehelu Beuk

¹² Sila nabin esa, ana mai hai neme Kreta mai boe, de ana kokolak nae, “Hataholi Kreta la lasapepeko-lasandandali tataas esa, ma hataholi sila la sama leo bana makisu-makaa maolo ka, boema pelatua mangananalo kala.”

TITUS 1:12 Referans Kwoze

1 TIMOTIUS 4:2

fo hataholi mana dea-dale masapepekok sila la nde tui-benga nana. Hataholi sila la, dale nala makahatuk so.

ROMA 16:18

Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

HATAHOLI 17:28

Sama leo hataholi la lafa'da basan lae, ‘Ita taso'da ma ita takababale nai daebafak ia, nana Manetualain koasa na.’ Sama leo emi hataholi mana tao binim de'ubee lafa'da lae, ‘Ita basa-basa tala nde bee na, Manetualain anan.’

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

HATAHOLI 2:11

Hapu hataholi Yahudi, ma hataholi leo fe'e kala boe, tehu ala masok agama Yahudi so. Boeo hapu nggelok leme Kreta ma Arab mai. Ita basa-basa tala tamanenen nde ndia, hataholi sila la kokolak lalelak ita esa-esak dede'an boema ala kokolak dede'a mata beuk fo Manetualain tao kala!”

HATAHOLI 27:7

Faik de'ubee dale na, ofa ka la'ok faa, de no toto'a-sosotak nanseli besa ka ami deka mo kota Knidu sa. Basa boema, hu ka nde ani na bei nasa ka, boema ofa ka halua na tu'da sala. Boema ami leo pulu Kreta boboa kona na meu de ami tunga Nggonggo Salmone, fo sue ka nde ami babaa neme ani na mai.

HATAHOLI 27:12

Namo see-seek ndia metema oe faak soona, memak ta malole ba'eneu ofak manaseek lai ndia fa. Hu ndia de, ofa isi la ba'u na ala nau ofa ka la'oela namo see-seek ndia, nana ala nau sanga enok fo ala losa Feniks fo ala leo leme ndia nai oe faak ndia dale na. Feniks ia nde bee soona namo see-seek esa nai pulu Kreta, fo nasale leo muli konak ma muli kiik neu.

HATAHOLI 27:13

Lelek ndia, ani kona sa filo-filo. Boema ofa isi la laedaenga ofa ka bisa la'o ndia so. Da'di ala hela naka leo ofak lain neu, de ala fe ofa ka la'ok ndolo-ndolo tunga pulu Kreta su'u na.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

TITUS 1:5

Au la'oela o meme Kreta, fo ela hata bee ka paluu nanaito-atok soona, o ito-atos. Boema fo ela o so'u penatua nai kota esa-esak. Mafandendelek basa natutu'duk fo au anoli o kala: