ROMA 9:19 - Susula Malalaok Hehelu Palak Ma Hehelu Beuk

¹⁹ Naa, neukose tolanoo ka mafa'da au mae, “Metema leondiak soona, tao le'e de Manetualain bei nau fe salak neu hataholi daebafa ka bai? Tete'e ka ta hapu hataholi esa boen hapu kena-ka'i na Manetualain dale hihii na fa do?”

ROMA 9:19 Referans Kwoze

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

2TAWARIKH 20:6

de ana hule-haladoi no napane'e hala-na nae, “Ou Amak, fo ami bei-ba'i kaim-mala Manetualain-na! O Manetualain manai nusa so'dak-ka, ma manapaleta basa leoina lala'en-na nai daebafak-ka. O manakoasa ma mabe'i-balakai; ta hapu hataholi esa boen fo nabe'i la'ban O.

1 KORINTUS 15:35

Fafa'kama hapu nggelok latane lae, “Tao leo bee fo hataholi manamate kala nanatao naso'da falik? Ao paak fo leo bee ka nde nanafek neus, nai lelek nanatao naso'da falik?”

1 KORINTUS 15:12

Metema hata fo ami tui-bengak ndia nde nae, Kristus nanatao naso'da falik neme mamate sa mai soona, tao le'e de hapu nai emi dalek, nggelok lafa'da lae, neukose hataholi manamate kala, ta nanatao naso'da falik fa?

MARKUS 14:21

Memak Ana Hataholi ka neukose maten sama leo hata fo nanasulak nai Susula Malalaok dale. Tehu soe la'i esa kana, ba'eneu hataholi fo mana ke'dindiu Ana Hataholik ndia! Ba'eneu hataholi ndia, malolelenak metema ta nanabongik makandondook fa!”

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

KEJADIAN 50:20

Emi malahalak basa soaneu tao mangalauk neu au, tehu Manetualain nggati mangalauk ndia nenik malole, fo ela no manada'dik makahulun ndia, hataholi maso'dak makadotok, hapu nanasoi tefak.

YAKOBIS 1:13

Metema hataholi esa hapu sosoba-susu'di leondia ka soona, boso mafa'da nae, “Sosoba-susu'dik ndia, neme Manetualain mai,” nana mangalau ka ta hapu so'ba-su'di nala Manetualain ma Manetualain boeo, Ana ta pake mangalau ka, soaneu so'ba-su'di hataholi esa boen.

ROMA 11:19

Tehu besak ia neukose emi mafa'da mae, “Hei, tehu ai ndanak sila la nanatatihenik fo ela lakadiditak au neu ai huu na!”

HATAHOLI 2:23

Manetualain naketu basa nae, Ana fe emi Yesus fo dede'ak ndia nandaa no dale tutu'u na. Tehu nai lelek fo Ana fen mai, boema emi taomisan, nana emi po'ilotak hataholi mangalau kala, ala lona nggange lisan.

YESAYA 29:16

Ala puta-balek basa hata lala'en-na. Beek kande paluu nanseli, manatao ulek-ka, do dae ulek-ka? Bole da'di, nanataok-ka nafa'da neu manataon-nana nae, “Ade, o ta nde tao au fa hetu”? Do, buas ndia, hapu nafa'da neun nae, “O ta bisa hata esa boen do”?

YAKOBIS 2:18

Fafakama nggelok lafa'da lae, “Hapu hataholi nggelok lamahena neu namahehele na, ma nggelok lamahena neu tatao-nono'in”. Soona, neukose au ataa ae, “Matu'du au, tao leo bee fo hataholi a nanuu namahelek, tehu tatao-nono'in fe'ek, boema au atu'dun nai au tatao-nono'ing dalek ae, au anuu namahehelek.”