ROMA 7:22 - Susula Malalaok Hehelu Palak Ma Hehelu Beuk

²² Au dale nga nahiik Manetualain hoholo-lalanen,

ROMA 7:22 Referans Kwoze

MAZMUR 1:2

tehu ana hii ka'da tao-no'i Manetualain Paletan-na, ma ana dodoo-tatain lele'do-le'odaen.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

MAZMUR 119:35

Ela leo bee-na, au ho'u ahele O paletam-ma, nanahu au dale hihiing-nga nde ndia.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

IBRANI 8:10

Tehu besak ia, ia nde hehelu-balataak fo neukose Au taon no leoina Israe la nai fai-fai manamai ka, Manetualain nafa'da nae: Neukose Au tao Au hoholo-lalaneng neu dudu'a-aafi nala dalek, ma Au sula kana neu dale nala dalek. Neukose Au da'di sila Manetualai na, ma neukose sila da'di Au hataholi kamahehele ngala.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

MAZMUR 119:92

Leouni'ka, O hoholo-lalanem ta da'di leo au oemata namahokong fa soona, tao leo bee-o, mate basa au nai au doi-dosong dale so.

MAZMUR 119:16

O nakeketum-ma, tao namahoko au; neukose au ta afandele heni O nanolim-ma fa.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

MAZMUR 119:174

Au daleng-nga nahik sodak-molek neme O mai, O paletam-ma taonamahoko au daleng-nga.

MAZMUR 119:167

Au tunga O nakanenetem-mala, ma au sue-lain no dale katematuak.

1 PETRUS 3:4

Tehu ela leo bee na emi malole-manapu nai emi dalem dale, fo nde ha'da-palii malole-mangana'u ka, ma nenee-lino lino ka; ndia nde lole-napu matea-mahelek ma kabelik tunga Manetualain mata memete na.

ROMA 8:7

Hataholi fo hataholi daebafa ka ha'da paliin koasa na dudu'a-aafi na, hataholi ndia musu no Manetualain; nana hataholi ndia ta tunga Manetualain hoholo-lalanen fa.

MAZMUR 119:111

O paletam-ma nde bee-na, au pusakang losa dodoon-na, fo ana tao namahoko au daleng-nga.

MAZMUR 119:72

Ba'eneu au soona, O hoholo-lalanem belin-na, lena heni basa lilopilas ma lilofulak manai daebafak-ka.

MAZMUR 119:24

O nakanenetem-mala, da'di au manamanoli-mafa'dang, fo nandaa no au daleng-nga.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

MAZMUR 119:127

Au sue-lai O paletam-ma, lena heni lilopilas-sa, lena heni lilopilas isik-ka.

MAZMUR 119:113

Au sue-lai O hoholo-lalanem, au ta ahiik hataholi fo, ana lilineka neu O, ta no dale katematuan-na fa.

KOLOSE 3:9

Esa boso nasapepeko-nasandandali esa boen, nana emi tu'u-tapa heni so'da palaa ka no basa ha'da-paliin lala'ena so.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

ROMA 2:29

Dede'a nasafali na, hataholi Yahudi matetu ka nde, hataholi fo nape'da ha'da-palii Yahudi nai dalen dale; ma sunat matetu ka nde Manetualain Dula Dale na nde tao na hataholi ndia dale na nanasunat, te ta sunat fo nanasulak nai susulak dale fa. Hataholi leo sila kala nde sipo kokoa-kikiok neme Manetualain mai, te ta neme hataholi daebafa ka mai fa.

IMAMAT 13:39

imam-ma muse palisak hataholi ndia. Metema, mete kokotok sila-la, te fula keluhabuk soona, ana hapu ka'da he'di kosulouk, de imam-ma muse nafa'da nae, hataholi ndia, lea-hai so.

KIDUNG AGUNG 5:3

Au o'du heni au ba'dung-nga so; ade, neukose au bei pake seluk-kana do ta? Au safe basa au eing-nga so, ade, neukose au bei tao anggenggeo seluk-kana do ta?