ROMA 2:20 - Susula Malalaok Hehelu Palak Ma Hehelu Beuk

²⁰ Tolanoo kala manoli hataholi ha'da ta kala, ma mesen ba'eneu hataholi nggoa kala. Tolanoo kala manaku mae, tolanoo kala hapu basa malelak lala'ena ma nanoli ndo sa nai agama Yahudi a hoholo-lalanen dale.

ROMA 2:20 Referans Kwoze

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

2 TIMOTIUS 1:13

Tunga te'e-te'e neu nanoli ndoos fo, au fe basan neu o so. Ma ela leo bee na, o ho'u mahehele namahehelek ma susue-lalaik fo, ana da'di ita nuun, nana ita da'di esa to Kristus Yesus so.

1 KORINTUS 3:1

Tolano-tolanoo ngala lemin! Tunga ndo na, au ta kokolak o tolanoo ka sama leo au kokolak o hataholi fo Manetualain Dula Dale na dalen dale. Au kokolak o emi, ka'da sama leo au kokolak o hataholi fo bei naso'da tunga hihii-nanau daebafa ka; ma sama leo au kokolak o hataholi fo bei ni'iana beuana nai namahehelek neu Kristu sa dalek.

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

IBRANI 5:13

Hataholi fo bei ninu ka'da su'u oe mesa kana, sosoa na nae, bei ni'iana beuana; ana beita nanuu malelak ba'u ka la'eneu hata bee ka nde ndoos ma hata bee ka nde sala ka.

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

ROMA 2:19

Tolanoo kala manaku mae, hataholi poke kala mauli-malangan nde tolanoo kala, ma tolanoo kala da'di mangale'dok ba'eneu hataholi manai makahatu ka dalek.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.