ROMA 2:18 - Susula Malalaok Hehelu Palak Ma Hehelu Beuk

¹⁸ Hu ka nde natutu'duk neme hoholo-lalanek ndia mai, de nalosa tolanoo kala bubuluk Manetualain hihii-nanaun ma tolanoo kala bubuluk bee ka nde malole a.

ROMA 2:18 Referans Kwoze

1 TESALONIKA 5:21

Emi muse palisak besa-besa mo basa hata lala'ena, fo bee ka nde malole a soona, muse tunga ka nde ndia.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

FILIPI 1:10

No enok ndia, emi hele malelak bee ka nde malole, ma emi so'da ma balisi neme sala-singo ka mai do neme kalaak bee ka mai boe, nai Faik fo Kristus fali ma'i na.

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

LUKAS 12:47

Malalau-maoono fo ana bubuluk tua na hihii-nanaun, tehu ta nahehele aon, ma ta tao-no'i tuan ndia hihii-nanaun fa soona, neukose nanafilu nahe'dik.

AMSAL 6:23

Emi ina-amam-mala paletan-nala nono'kabai banuk fo mangale'dok-ka; sila kekena-kaka'in-nala latu'du fe emi so'dak-ka heheo-hihilun fo malole.

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

LUKAS 1:4

Au tao ndia fo ela Tuan bubuluk nae, hata fo nanananoli basak neu Tuan ndia, memak tete'e ka.

ROMA 2:19

Tolanoo kala manaku mae, hataholi poke kala mauli-malangan nde tolanoo kala, ma tolanoo kala da'di mangale'dok ba'eneu hataholi manai makahatu ka dalek.