ROMA 2:15 - Susula Malalaok Hehelu Palak Ma Hehelu Beuk

¹⁵ Sila ha'da-paliin nde da'di natutu'duk nae, hata fo hoholo-lalanek ndia paleta neu sala, nanasulak nai sila dale nala dalek. Sila dale bobongoana nala boeo, latu'du dede'ak ndia ta'du-tanan, nana nasi'a sila dudu'a-aafin fe salak neus, ma nasi'a fe ndoos neus.

ROMA 2:15 Referans Kwoze

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

AYUB 27:6

Au ho'u ahele au ndoong-nga, ma au dale bobongoanang-nga boeo, malalaok tataas esa.

1 TIMOTIUS 4:2

fo hataholi mana dea-dale masapepekok sila la nde tui-benga nana. Hataholi sila la, dale nala makahatuk so.

ROMA 9:1

Hata fo au afa'dak ia la tete'e ka, nanahu au ia, Kristus nuun. Au ta pepeko fa. Manetualain Dula Dale na hehela-nonolen de, natetea au dale bobongoana nga nae, au dede'ang ia tete'e ka.

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

HATAHOLI 23:1

Paulus mete mana maketu-mala'dik sila la boema nafa'das nae, “Tolano-tolanoo ngala lemin! Losa faik ia dale na, au ame'da nana au ta tao salak neu Manetualain nai au dale bobongoana nga dalek la'eneu au maso'da nga fa.”

PENGKHOTBAH 7:22

O mame'da mae o soo-supa hai hataholi fe'ek so boe.

1RAJA-RAJA 2:44

O bubuluk besa-besa moo o tatao-nono'i mangalaum soaneu au amang. Hu no ndia de, neukose Manetualain huku o,

KEJADIAN 20:5

Saotoun-na, nafa'da nae ndia fa'din inak ndia, ma inak ndia, nafa'da nae leo ndia boe. Au tao tataos ndia no dale malalaok, da'di au ta asala fa.”

YOHANIS 8:9

Tehu lamanene Yesus kokolak nae leondia tutika, ala la'o esa-esa de nalosa mamanak ndia louk. Lasi kala la'o lakahuluk, de besa ka hataholi makadoto kala tunga dea. Mate'e na, ela ka'da Yesus no inak ndia mesa kasa lai mamanak ndia. Tehu inak ndia bei napadeik nahele nai mamana na.

ROMA 2:14

Leoina fe'e kala ta lalelak agama Yahudi a hoholo-lalanen fa. Tehu metema no sila hihii-nanau mesa na, boema ala tao-no'i hata fo hoholo-lalanek ndia paleta neu sala soona, sila dale nala nde da'di hoholo-lalanek soaneu sila, leomae ta lalelak agama Yahudi a hoholo-lalanen fa.

ROMA 2:27

Ma hataholi nanasunat tak sila la, neukose ala fe salak neu tolanook Yahudi la, nana tolanook Yahudi la manuu agama Yahudi hoholo-lalanen ma tolanoo kala nanasunat, tehu tolano kala nde la'olena hoholo-lalanek sila la. Hataholi sila la nanasunat ta kala, tehu sila nde tao tunga agama Yahudi hoholo-lalane na.