ROMA 16:25 - Susula Malalaok Hehelu Palak Ma Hehelu Beuk

²⁵ Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

ROMA 16:25 Referans Kwoze

1 KORINTUS 2:7

Manatee tenok fo au kokolak ndia, nde manatee tenok fo maneme Manetualain mai a. Manatee tenok ndia, hataholi daebafa ka beita nalela kana fa, tehu Manetualain sadia basan soaneu ita mandela-masa'an nai lelek daebafak ia beita nananakadada'dik fa.

ROMA 2:16

Mahani te neu faik fo Manetualain naketu basa ka te, neukose ana da'di tao leondiak, nai faik ndia, tunga Hala Malole fo au tui-benga ka, neukose Manetualain naketu-nala'di basa hata nananafunik nai hataholi a dalen dale ma dudu'a-aafi na dalek, tunga Yesus Kristus.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

2 TESALONIKA 2:14

Hu no dede'a ka nde ndia de, Manetualain nalo emi tunga Hala Malole fo ami tui-bengan neu emi a. Manetualain nalo emi nanahu, Ana nau fo ela emi hapu mame'da mita ita Lamatuan Yesus Kristus matua-mademan.

2 KORINTUS 4:3

Metema Hala Malole fo ami tui-bengak ndia boeo beita lalela kana no malole fa soona, ka'da hataholi fo bei sanga mopo-mate a nde ta lalela kana fa.

EFESUS 3:9

ma boeo, fo ela tunga au fo, basa hataholi la bubuluk, tao leo beek de Manetualain fo mana makadada'dik lalai a no daebafa maloa ia, Ana tao-no'i dale tutu'un fo, neme makahulun eli mai a, nananafunik soaneu daebafa ka.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

2 TIMOTIUS 2:8

Mafandendelek dede'ak ia: Hala Malole fo au tui-bengak ndia, nde bee na, halak la'eneu Yesus Kristus, fo Dauk tititi-nonosin nde ndia; Ndia nde Kristus fo naso'da falik neme mamate sa mai so.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

EFESUS 6:19

Ma hule-haladoi soaneu au boe, fo ela nai lelek fo au kokolak soona, Manetualain fe au dede'a-kokola ka, nandaa. Fo ela au apalani afa'da Hala Malole ndia, dede'a nafufuni nala.

GALATIA 2:2

Au u leo Yerusalem u nana, Manetualain nafa'da basa au nae, au muse u. Nai natotongo hehelik esa dalek mo mauli-malangan manai naa la dalek, au afa'da mangalele'do, Hala Malole fo au tui-bengan neu hataholi ta Yahudi la. Nanahu, au ta nau au ue-le'ding neme makahulu na losa besak ia, louk fa.

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

HATAHOLI 20:32

Besak ia au fe emi leo Manetualain neu, fo ela nakaboboi ma fo ela emi ho'u mahele neu halak la'eneu Manetualai susue-lalain. Manetualain nanuu koasa soaneu natetea-nahehele emi, ma Ana fe emi baba'e-papalak fo Ana sadia basan soaneu hataholi kamahehele nala.

HATAHOLI 9:20

Tutika neu leo uma mamaso kala de ana mulai tui-benga nae, Yesus ndia nde bee na Manetualain Anan.

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

MATEOS 13:17

Mafandendelek te, nabi ba'u ka, ma hataholi mana tunga Manetualain hihii-nanau na, ala hii lita hata fo emi mitan besak ia, tehu ta lita fan. Ala hii lamanene hata fo emi mamanenen besak ia, tehu ta lamanene fan.”

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

EFESUS 3:11

Manetualain tao dede'ak ndia, nandaa no dale tutu'u mana ketu basa ta na, fo Ana taon ninik ita Lamatuan Kristus Yesus nde da'di lelete a.

1 KORINTUS 4:1

Bole tafa'da tae, ami ia Kristus malalau-maoonon fo ami nde mataa tui-benga Manetualain dale tutu'un fo daebafa ka beita bubulu kana ndia fa.

ROMA 14:4

See emi ia, de nalosa emi muse maketu-mala'di hataholi fe'ek ata na? Fafa'kama ata ndia tu'u do fo'a boeo, ata ndia tua na ito-aton ndia. Ma memak ata ndia neukose napadeik natetu, nanahu Lamatua ka nabe'i fen napadeik natetu.

MAZMUR 78:2

Au nau kokolak dede'a lasik ma nakandandaak, ma au afa'da mangalele'do, neneuk tepo lelek makahulun-na,

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 16:24

Ela leo bee na ita Lamatuan Yesus Kristus fe baba'e-papalan neu emi. Amin.]

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

KOLOSE 4:3

Hule-haladoi fe ami boe, fo ela Manetualain fe ami fai loak malole, soaneu ami tao mamaloloa halak la'eneu Kristus dede'a nafufuni na. Nana hu ka nde dede'ak ndia de, au masok bui.

NINITAK 10:7

Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.

MATEOS 20:7

Boema hataholi sila la lae, ‘Hataholi ta noke ami maue-male'di fa.’ Boema osi lamatuak ndia nae, ‘Metema leondiak soona, meu maue-male'di nai au osi angol dale.’