ROMA 13:7 - Susula Malalaok Hehelu Palak Ma Hehelu Beuk

⁷ Da'di, bae hata fo emi muse baen leo manapaleta neu. Bae bea metema emi muse bae bea. So'ulaik sila fo muse nanaso'ulaik, ma fe ha'da-holomata neu sila fo muse nanafe ha'da-holomata.

ROMA 13:7 Referans Kwoze

LUKAS 20:25

Yesus nafa'das nae, “Metema leondiak soona, Kesel nuun bee soona, fen leo Kese la neu, ma Manetualain nuun bee soona, fen leo Manetualain neu.”

MATEOS 17:25

Boema Petrus nae, “Ana bae!” Lelek Petrus fali ma'in boema, Yesus nabenga nakahulu kana nae, “Simon, o hahapu ma leo beek? See ka nde muse bae bea neu mane daebafak ia la? Lau nala, do hataholi mana mai kala?”

AMSAL 24:21

Anang-ngonei, bii-mamata'u neu Manetualain, ma fe ha'da-holomata neu manek-ka. Boso tunga hataholi, fo ana la'ban-nasa.

1 TIMOTIUS 5:17

Mauli-malanga salanik bee metema nakalala'ok bela ba'un no malole soona, nandaa ana hapu ha'da-holomata, diku la'i dua, lena-lenak, hataholi mana manggate tui-benga ma mana manoli-mafa'da ka

MATEOS 22:21

Boema lataa lae, “Kese la.” Boema Yesus nafa'das nae, “Metema leondiak soona, Kese la nuun bee na, fen leo Kese la neu, ma Manetualain nuun bee na, fen leo Manetualain neu.”

EFESUS 6:5

Tolano-tolanook fo manda'di ata la lemin! Tunga emi malangam fo manai daebafak ia, paleta na. Tao-no'i no ha'da-holomata, ma tunga no te'e-te'ek, nono'ka bai de, emi tao-no'i neu Kristus nde ndia.

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

1 TIMOTIUS 6:1

Hataholi Salanik mana da'di ata, muse ana fe ha'da-holomata neu tua na, fo daenga hataholi a boso tao nanggenggeo Manetualain na'de na, ma ita nanoli nala.

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

MARKUS 12:17

Boema Yesus nafa'das nae, “Naa, metema leondiak soona, Kesel nuun bee soona fen leo Kese la neu, ma Manetualain nuun bee soona, fen leo Manetualai na neu.” Lamanene Yesus nae leondia boema, ala dodoo doa kana.

SEMUEL SUSULAK-KA ESAN-NA 12:18

Boema Semuel hule-haladoi, de nai faik ndia boe, Manetualain fe mangguluk-ka ma u'dan-na mai. Basa leoina ndia lala'en-na, bii-lamata'u neu Manetualain ma Semuel.

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

1 TIMOTIUS 5:13

Nakalenak seluk bai, ala tu'u-tapa heni le'do fain fo leu dakak hinga uma tai kala. Boema mangalau ina na nde, ala kokolak langgenggeo hataholi na'den, ma hataholi dede'an o, leu sese'dok leo dalek leu, boema ala kokolak dede'ak fo tunga ndo na, ta nandaa ala kokola kana fa.

AMSAL 3:27

Metema o dudu'a-aafim dai, soaneu tao malole neu hataholi fo, ana paluu o malolem-ma soona, boso tipa tao dede'ak ndia.

LUKAS 20:22

Hu ndia de, so'ba Ama mafa'da fe ami, tunga ita agama na nakanenete na, bole bae bea leo Kese la neu do ta?”

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

ROMA 13:6

Ndia boeo ana da'di netes esa soaneu emi bae bea, nana manapaleta nde bee na Manetualain lima ein, fo nakalala'ok bela-ba'u hehelik ndia.

1RAJA-RAJA 3:17

Inak sila-la, esa nafa'da nae, “Ama Manek Fo Mandela-masa'ak, au o inak ia leo nai uma esa. Ta hapu hataholi fe'ek leo nakabubua no ami fa. Faik de'ubee maneu ka, au bongi ni'iana touanak esa. Basa faik dua boema, inak ia boeo bongi ni'iana touanak esa boe.