ROMA 13:4 - Susula Malalaok Hehelu Palak Ma Hehelu Beuk

⁴ Nana manapaleta nde bee na Manetualain atan, fo naue-nale'di soaneu emi malole ma. Tehu metema emi tatao-nono'im mangalau ka soona, memak emi muse bii manapaleta, nana manapaleta nanuu koasa soaneu ana huku hataholi. Manapaleta nde bee na Manetualain atan, fo naketu hataholi manatao tatao-nono'i mangalau kala tunga Manetualain nakeketu na.

ROMA 13:4 Referans Kwoze

ROMA 12:19

Tolano-tolanoo ngala lemin! Boso balas nape'da dalek no nape'da dalek, neme na fo Manetualain nde huku nana. Nana nai Susula Malalaok dale nanasulak nae, “Au nde manabala sa. Neukose Au nde huku nana.” Lamatua ka nae leondia.

AMSAL 20:2

Manek-ka nasa-melun, sama leo singa nangao; hataholi fo, nafofo'a nasa-melun-na, sosoan-na nae, ana tao soe aoinan-na mesak-kana.

AMSAL 16:14

Manek-ka nasa-melun nde been-na, sama leo hala nafa'dak la'eneu huhuku nisak-ka; tehu hataholi manatee-tenok-ka, neukose ana sanga enok fo tao natenak henin!

2TAWARIKH 19:6

ma ana fes paleta nde ia nae, “Tao hata esa nenik dudu'a-aafi manatee tenok, nanahu emi ta maketu-mala'di menik hataholi daebafak na'den fa, te nenik Manetualain na'de-na Ana taoafik besa-besa neu emi nai lelek emi maketu-mala'di dede'ak.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

ROMA 13:6

Ndia boeo ana da'di netes esa soaneu emi bae bea, nana manapaleta nde bee na Manetualain lima ein, fo nakalala'ok bela-ba'u hehelik ndia.

MIKHA 3:9

Mamanene au hala-kokolang ia-la leon, hai emi manakoasa Israel fo ta hii ndoos ma matetuk-ka ma manapo'de nasafali ndoos-sa.

YESKIAL 25:14

Neukose Au pake, Au leoina Israel, soaneu balas Au nape'da daleng neu Edom-ma, de neukose ala tao Edom, nandaa no Au nasa-melung manalua ponu-ponung-nga. Neukose, Edom name'da nita la'dan-na leobeek, metema Au nasa-melung tu'da la'en. Au, Manetualain Fo Mademaina, nde manakokolak-ka.”

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

AMSAL 20:26

Manek fo manatee-tenok-ka, ana bubuluk, see kande hataholi mangalauk-ka; neukose ana hukus, ta pake do'o do ampon fa.

AMSAL 20:8

Metema, manek-ka nangatuuk nai kandela manakee-manafula lain soona, nita basa tatao-nono'i mangalauk lala'en-na.

1RAJA-RAJA 10:9

Kokoa-kikiok ba'eneu Amak, fo Tuan Manetualain na! No Ana so'u Tuan da'di mane Israel-la, de Manetualain natu'du nae, namahoko nanseli neu Tuan. Sue-lalain neu leoina Israel-la ta ketu-basa fan; hu ndia de, Ana so'u Tuan da'di sila manen-na, fo ela Tuan hapu nakalala'ok hoholo-lalanek ma ndoos ma matetuk-ka.”

YOSUA 20:9

Basa kota-kota nasulu aok-kala nde ndia, fo ala helen soaneu hataholi Israel-la, ma soaneu basa hataholi nusa dea, fo manaleo loo sila. Ba'eneu hataholi, fo ta name'da fa, te ana taonisa hataholi fe'ek soona, ana bole hapu nasulu-nahapak nai kota sila-la, fo naso'da neme hataholi, fo ana usin soaneu balas nape'da dalen-na neun; metema, beita naketu-nala'di dede'an-na, nai lea matan fa soona, ta bole taonisa fa.

YOSUA 20:5

Metema hataholi fo, ana sanga balas nape'da dalen-na ndia, usin losa ndia soona, kota ndia laun-na, ta bole fe hataholi ndia, leo hataholi manausik-ka neu fa. Sila muse lasulu-lahapan, nana hataholi ndia, ta name'da fa te, ana taonisa hataholi so, ma ta hu kande, nape'da dale nasak hataholi ndia fa.

1 PETRUS 2:14

do neu gobelnol, fo Kese la natu'du basan soaneu ana huku hataholi mana tao tatao-nono'i mangalau kala, ma soaneu ana fe ha'da-holomata neu hataholi mana tao tatao-nono'i malole a.