ROMA 13:1 - Susula Malalaok Hehelu Palak Ma Hehelu Beuk

¹ Hataholi lala'ena muse tunga manapaleta paleta na, nana ta hapu manapaleta sa boen fo ana hapu koasa neme Manetualain mai fa. Manapaleta besak ia la, lakalala'ok paleta nala tunga Manetualain paleta na.

ROMA 13:1 Referans Kwoze

TITUS 3:1

Mafa'da o salani mala, fo ala boso laban mauli-malangan ma mana koasa nai nusak dale a, boema ala tao-noi tatao-nono'i malole tataas esa.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

YOHANIS 19:11

Boema Yesus naen nae, “Makanaema Manetualain ta fe koasa ndia neu o fa soona, o ta manuu koasa faa anak boen, soaneu Au fa. Hu ndia de, hataholi manafe Au leo o neu ndia, sala singon ba'ulena o sala-singom.”

YUDAS 1:8

Tehu hataholi mangalauk fo mana talipeok sila la leondiak boe. Ala tao langgengeeo ao paa nala ninik me'i-afe nala. Lakadadaek Manetualain koasa na, boema lakamumulu-lakamamaek basa ata nusa so'dak manai nusa so'da ka.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

EFESUS 5:21

Soaneu fe ha'da-holomata neu Kristus de, ela leo bee na, emi esa nakatele neu esa.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

AMSAL 24:21

Anang-ngonei, bii-mamata'u neu Manetualain, ma fe ha'da-holomata neu manek-ka. Boso tunga hataholi, fo ana la'ban-nasa.

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

ROMA 12:21

Boso po'ilotak mangalau ka paleta emi so'da ma, te ela leo bee na emi sengi mangalau ka ninik tatao-nono'i malole.

ROMA 13:2

Hu ndia de hataholi fo ana laban manapaleta, sama na leo ana laban hata fo Manetualain naketu basan. De hataholi manatao leondia ka, neukose ana hapu huhukuk.

1 TIMOTIUS 2:2

soaneu mane-mane kala, ma basa hataholi mana ho'u koasa lala'ena. Moke fo ela ita taso'da no nee nee-lino linok, mole-dame soaneu Manetualain, no ha'da-tatao matetu-mandaak.