ROMA 10:16 - Susula Malalaok Hehelu Palak Ma Hehelu Beuk

¹⁶ Tehu ta basa hataholi la sipok Hala Malole ndia fa. Nana Yesaya nafa'da nae, “Lamatuak, see ka nde namanene ami tutui-bebenga ma?”

ROMA 10:16 Referans Kwoze

YESAYA 53:1

Leoina ndia nataa nae, “Neukose see, namahele hata fo, ami mamanene basan so? Nafa'da basa Manetualain koasan-na, neu see so?

ROMA 3:3

Tehu metema hataholi Yahudi nggelok ta lilineka fa soona, tao leo bee bai? Hu no enok ndia de, ade Manetualain ta lilineka fa do?

IBRANI 4:2

Nanahu Hala Malole ndia nanatui-benga basak neu ita, sama na leo neu sila boe. Tehu halak ndia sosoa-ndandaan ta ba'eneu sila. Nana, lelek lamanene halak ndia, ala ta nau lamahele fa.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

GALATIA 5:7

Makahulu na, emi puse laipana no malole. Tehu tao le'e de besak ia, emi ta tunga Manetualain hihii-nanaun so'ok? See nde fufu'di-oo'dok nala emi a?

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

ROMA 2:8

Tehu hataholi fo ana paluu ka'da aoina na mesa kana, ma ana ta nau tunga Manetualain fa te ana tunga ka'da hata mangalau ka soona, Manetualain namanasa mangalalau hataholi sila la.

1 PETRUS 3:1

Leondiak boe, ba'eneu emi fo saoina kala lemin! Ela leo bee na, emi muse tunga emi saotou ma paleta na, fo ela metema nai saotouk sila la, hapu nggelok, beita lamahele halak fo maneme Manetualai na mai fa soona, no emi ha'da tatao malolem ndia, fo lamahele leona. Ma ta paluu emi mafa'das hata-hata esa boen,

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

GALATIA 3:1

Tolano-tolanook hataholi kamahehelek manai kota Galatia la lemin! Emi nggoa ma seli! Ta bubuluk see ka nde dudungu-papau nala emi so? Kristus mamaten nai ai nggangek lai na, au tui mangalele'don neu emi so!

ROMA 16:26

Tehu besak ia, no Manetualain paleta matea-mahele na, de dale tutu'uk ndia nananatu'duk ma nanatui-bengak neu basa leoina lala'ena, tunga nabi la susula lii na, fo ela sila basa-basas lamahele ma ala tunga Manetualain.

ROMA 11:17

Ai zetun na ndanan nggelok, fo nde hataholi Yahudi la, nake'di henik so. Ma nai nanake'di henik sila mamana na lakadiditak ai zetun fui ka ndana na, fo nde emi fo hataholi ta Yahudi la fa. Lakadiditak emi meu ndia, fo ela emi hapu mame'da mita basa hata malole lala'ena neme hataholi Yahudi la so'da samane na mai.

ROMA 1:5

Manetualain fe au baba'e-babatik, fo au da'di Lamatua ka ana manatungan, fo ela au alalau-aoono Kristus ma hela-nole basa hataholi lala'ena, fo ela lamahele ma ala tunga.

HATAHOLI 28:24

Hapu nggelok lamahele hata fo Paulus nafa'dak sila la, tehu hapu nggelok ta nau lamaele fa.

YOHANIS 10:26

Emi ta mamahele fa, nana Au bi'ilopong ta emi fa.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

MATEOS 13:14

No enok ndia, hata fo ela nabi Yesaya nafa'da ka, ana da'di. ‘Manetualain nafa'da nae: Neukose lamanene lakandoo, tehu ta lalelak fa; neukose ala taoafik lakandoo, tehu ala ta lalelak hata fo ana da'di fa.