ROMA 10:12 - Susula Malalaok Hehelu Palak Ma Hehelu Beuk

¹² Dede'ak ndia la'e basa hataholi lala'ena, nana hataholi Yahudi no hataholi leoina fe'e kala matak esa. Manetualain fo kisak ndia, nde bee na Lamatuak soaneu hataholi lala'ena. Ana fe baba'e-papala manasasi kao-kao ka neu basa hataholi fo mananoke tutulu-fafalik neu nana.

ROMA 10:12 Referans Kwoze

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

MAZMUR 145:18

Ana deka no hataholi fo, naloo bou-bou neun, ma manadokodoen neun, no dale ndoos.

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

FILIPI 2:11

Basa-basas lala'ena, neukose ala manaku lae, Yesus Kristus nde Lamatua ka; no enok ndia Amak Manetualain nanakoa-kiok.

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

ROMA 14:9

Kristus mate de naso'da falik so. Hu ndia de Ana da'di Lamatuak soaneu hataholi maso'da kala ma soaneu hataholi manamate basa kala boe.

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

1 KORINTUS 15:47

Adam makasososa ka, da'di neme dae a mai, tehu Adam kadua da'di neme nusa so'da ka mai.

EFESUS 2:7

Manetualain tao leondiak, fo ela nai le'do fai mana mai ka, hataholi daebafa ka hapu lita Manetualain susue-lalain ba'u na seli. Manetualain nafa'da susue-lalaik ndia, tunga dale malole na neu ita, fo Kristus Yesus nde da'di lelete a.

EFESUS 2:4

Tehu Manetualain dale malole na, ba'u na seli! Ana sue na ita ba'u na seli,

ROMA 15:12

Boema Yesaya nafa'da nae leoia boe, “Neme Isai tititi-nonosin, neukose hataholi esa to'da mai fo neukose Ana paleta basa leoina lala'ena; Hataholi ndia nde leoina sila la lamahena ka.”

HATAHOLI 9:14

De besak ia, ana mai nai ia so, nana malanga ima mala fen loak fo ana ho'u basa hataholi fo lamahele neu O.”

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”