ROMA 1:18 - Susula Malalaok Hehelu Palak Ma Hehelu Beuk

¹⁸ Manetualain natu'du nasa-melun neme nusa so'da ka, soaneu sala-singo ka, ma hataholi daebafa ka tatao-nono'i mangalau na, nana tatao-nono'i mangalauk sila la nde kena-ka'i hataholi daebafa ka fo boso lalelak Manetualain nanoli ndo na.

ROMA 1:18 Referans Kwoze

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

KOLOSE 3:6

Dede'a matak leo sila kala nde, tao la Manetualain namanasa hataholi fo ta mana tunga nana fa.

2 TESALONIKA 2:10

Ana pake basa ke'dindiu mangalauk lala'ena, fo ana ke'dindiu hataholi fo, ala ta nau sipok hala ndoos maneme Manetualain na mai. Neukose mate basa hataholi sila la, nana ala ta nau lamahele halak fo manini so'dak ndia fa.

ROMA 6:13

Boso fe emi ao paa ma neu sala-singo ka fo ana paken, soaneu tao-no'i tatao-nono'i mangalau ka. Te fe emi so'da ma leo Manetualain neu, sama leo hataholi manalali neme mamate sa leo maso'da ka dalek neu. Fe la'iesak emi so'da ma leo Manetualain neu, fo Ana paken soaneu makalala'ok hihii-nanaun.

ROMA 5:9

Besak ia ita malole falik to Manetualain, tunga Kristus mamate na so. Hu ndia de tao leo beeo Kristus soi-tefa nala ita teme Manetualain nasa-melun mai.

ROMA 4:15

Agama Yahudi a hoholo-lalanen nini Manetualain huhuku-dodokin. Tehu metema hoholo-lalanek ta soona, la'olena ko ta boe.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 2:3

Tehu tolanoo ngala lemin! Emi boeo tao tatao-nono'ik fo emi makasasa'e kana neu hataholi fe'ek sila la boe! De emi maedaenga Manetualain ta huku emi fa do?

ROMA 1:19

Hataholi daebafa ka nalelak Manetualain, hu ka nde Manetualain nde nafa'da dede'ak ndia neu hataholi daebafa ka.

ROMA 5:6

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

KELUARAN 23:7

Madook aoinam-ma neme kalaak pepekok-ka mai, ma boso hu kande o tatao-nono'im de hataholi sala taak-ka nanahukunisak, nanahu Au fe salak neu hataholi manatao tatao-nono'i mangalauk matak leondiak-ka.

ROMA 3:9

Naa, metema ita da'di hataholi Yahudi soona, ita malole na lenaheni leoina fe'e kala do? Ta leondiak fa! Au afa'da basa ae, leomae hataholi Yahudi do leoina fe'e kala boeo, hataholi masala-masingok mesa-mesan.

2 TESALONIKA 2:6

Boema emi bubuluk, bee ka nde besak ia, bei napangge na basa sila la de, ala beita da'di fa. Ela neu faik fo Manetualain naketu basa ka soona, neukose Hataholi Mangalauk ndia, ana to'da mai.