RATAPAN 5:1 - Susula Malalaok Hehelu Palak Ma Hehelu Beuk

¹ Ou Manetualain, mafandendelek hata fo ana da'di neu ami. Makanae ami, ma mete ami matasi'da-matasaem-ma.

RATAPAN 5:1 Referans Kwoze

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

RATAPAN 3:61

O, Manetualain, mamanene au nananakadadaek; O bubuluk la'iesak sila dale tutu'un-na.

RATAPAN 3:19

Au dodoo au leu-lang ma doi-dosong sama leo au u'a laso makahe'duk.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

YEREMIA 15:15

Boema au afa'da ae, “Manetualain, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

MAZMUR 79:12

Ou Manetualain, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

NEHEMIA 4:4

Boema au hule-haladoi leon ae, “Ou Manetualain, mamanene lakamumulu-lakamamaek ami tao leo beek! Fes lu'a-lepa-la nakamumulu-nakamamaek ndia. Nemen-na fo nakodaa-la lamanako-la basa hata-heton-nala lala'en-na, ma ala foo lenis da'dileo hataholi nanafook leo nusa dea leu.

LUKAS 23:42

Boema nafa'da Yesus nae, “Mafandendelek au leona, metema O fali ma'i ma da'dileo Manek!”

RATAPAN 2:20

Manetualain, mete ma taoafik leon neu sila fo O fepa-li'uk sila-la! Ade O tao hai nggelok leondiak so do beik? Ina na'a seluk ana bongi susuen-na, imam ma nabi-la nanatao nisak nai O Uma malalao-malalafum dale.

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

AYUB 10:9

Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 7:7

Mafandele leon, ou Manetualain, te au so'dang-nga, ka'da ani hahaek esa mesak-kana; mopo au ua-naleng, de ta la'oela leen-na fa.

NEHEMIA 1:8

Ou Manetualain, mafandendelek O hala-kokolam fo O paleta Musa nafa'dan nae metema ami, fo hataholi Israe la, ta lilineka neu O fa soona, neukose O tao tapasasala ami nai leoina fe'ek-kala tala'da.

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

MAZMUR 119:153

Mete au doi-dosong, fo soi-tefa-mala au leona, nana au ta afandele heni, O hoholo-lalanem fa.

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

RATAPAN 3:50

losa O, ou Manetualain nai nusa so'dak-ka, taoafik neu ami.

MAZMUR 74:18

Mafandendelek, tao leo beek de, musu-a nakamumulu-nakamamaek O, ou Manetualain, leoina fo ta lalelak O fa, lakamumulu-lakamamaek O na'dem-ma.

YEREMIA 51:51

Emi kokolak mae, ‘Ami nananakadadaek ma nakamamaek hu ka nde hataholi manamai-la lamatuk-la mamana neulauk manai Manetualain Uman.’

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”