RATAPAN 4:18 - Susula Malalaok Hehelu Palak Ma Hehelu Beuk

¹⁸ Ami ta hapu kalua leo enok lain meu fa, nana metema ami kalua soona, musu nook-ka maku ami tataas esa. Ami so'dam-ma sanga deka nate'e, nanahu ami faim-ma dai so.

RATAPAN 4:18 Referans Kwoze

AMOS 8:2

Boema Manetualain natane au nae, “O mita beek, Amos?” Au ataa ae, “Au ita sapai esa, ai boa latuk henun.” Boema Manetualain nafa'da nae, “Leondiak boe, Au anang Israel fain-na losa soaneu nanahukuk so. Neukose Au ta dodoo asafali seluk Au dale tutu'ung-nga so'on, de tao leo bee-o, neukose Au hukus.

RATAPAN 3:52

Musu usi au sama leo manupui-a, tehu ne'en ta soaneu nakamuu-nakadau au.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

YESKIAL 12:27

“Hai hataholi daebafak fo, manasapu-manalalok-konei, hataholi Israel-la lafa'da lae o ninitam, ma o dede'a nafa'da elam sila-la, neukose dook-ka nanseli, besak-ka ala da'di.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

YEREMIA 1:12

Boema Manetualain nae, “Tete'ek-ka, Au anea fo ela basa hata fo Au afa'dak-ka, ala da'di.”

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

AYUB 10:16

Metema, au hapu buna-boak, leomae ta ba'uk fa, O usi au sama leo singa, ma O matu'du seluk, O koasam-ma, fo ka'da, soaneu O makabibiik au.

SEMUEL SUSULAK-KA ESAN-NA 24:14

Ama Manek nalelak dede'a bini makahulun eli esa, nde ia nae, ‘Ka'da hataholi mangalauk-ka nde, tao tatao-nono'i mangalauk-ka.’ Hu ndia de, neukose atam-ma ta tao nahe'di Ama Manek fa.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 37:13

Tehu nai lelek au losa Benyamin lelesu inan-na boema, malangan soloda'du fo manamanea manai ndia, ana ka'i-na auma nafa'da nae, “O sanga malai fo mu mok hataholi Babel-lala!” (Malanga soloda'du manamanea ndia na'de Yeria; ndia nde been-na Selemya anan fo Hananya upun.)