RATAPAN 2:22 - Susula Malalaok Hehelu Palak Ma Hehelu Beuk

²² O ka'i musu fo ami bii-mamata'uk-kala soaneu tao feta-dote dale susue-lalai tak-ka nai ami boboa-kaisum. Ala taolisa la'iesak sila fo ami makabobois ma sue-lais. Nai O fai nasa-melum-ma, ta hapu hataholi esa boen bisa nalai fa.

RATAPAN 2:22 Referans Kwoze

YEREMIA 6:25

Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

MAZMUR 31:13

Au nananafandele henik, sama leo hataholi manamatek-ka, ma au da'di sama leo, buas fo nanatapa henik-ka.

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 20:3

Fafainak manamaik-ka Pasyhur po'i basa au neme langek-ka mai boema, au afa'da ne'un ae, “Na'dek fo neukose Manetualain fen neu o-a ta Pasyhur fa, tehu ‘Teror su'di nai bee-a.’

ULANGAN 28:18

Sosoo-susupak ba'eneu emi, nalosa emi anam ka'da lumanak, emi dae-oem, buna boan ka'da faaanak, boema emi sapim ma emi bi'ihii-bi'ilopom boeo, ka'da lumanak.

YESAYA 28:19

Neukose soe-a, tuni-ndeni emi tataas esa, de emi muse lu'a-lepan tunga faik, fafaik, le'dohanak ma le'odaek. Metema emi malelak Manetualain hala hehelun-na soona, neukose emi bii-namata'u.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 44:7

Ma besak ia Au, Manetualain Fo Manakoasa, fo Israel Manetualain-na, natane tao le'e de emi tao dede'ak fo neni susa-soe fo matua ina ndia neu emi aopam-ma. Ade emi nau tao namate-namopo la'iesak hataholi – inak, touk, ni'iana-la, ma ni'iana bongi beuk-kala de nalosa ta hapu ela hataholi esa boen nei emi leoinam-ma dalek fa?

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

YEREMIA 14:19

Manetualain, ade O tipa-dede'a heni Yehuda makandondook, ma o ta hii makanae Sion laun-nala fa do? Tao le'e de O fepa-li'u mapane'e ami tao leondiak, de nalosa ami ta hai so'on? Ka'da palsuma la'iesak-kana ami sanga mole-dame-a, te ami mamahena lelea-hahaik-ka sosoa-ndandaan taa, nana hapu ka'da naset-nalakak-ka.

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”