RATAPAN 2:19 - Susula Malalaok Hehelu Palak Ma Hehelu Beuk

¹⁹ O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

RATAPAN 2:19 Referans Kwoze

MAZMUR 62:8

Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

YESAYA 26:9

Au samaneng-nga, nahiik natongo O tataas esa, nai fai le'odaen, ma no dalek-katema tuak, au sanga O nai fai fafain-na. Mahani te, metema O maketu-mala'di daebafak-ka soona, neukose laun manai daebafak-ka, ala bubuluk hata fo ndoos-sa.

MAZMUR 142:2

Au aloo bou-bou apane'e neu O Manetualain; au dokodoe neun, nenik au apanne'e au halang-nga.

MARKUS 1:35

Balahaa fafaianak fo bei makahahatuanak te Yesus fo'a, boema Ana la'oela uma ndia. Neu leo mamana nees esa nai kota ndia deak fo Ana hule-haladoi nai ndia.

SEMUEL SUSULAK-KA ESAN-NA 1:15

Tehu Hana nataa nae, “Au ta mafuk fa Ama, tete'ek-ka, au ta inu angol fa! Ketu au namahehenang-nga, de au hule-haladoi fo au tui au doi-dosong lala'en-na neu Manetualain.

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

HAKIM-HAKIM 7:19

Sanga deka fatila'da boema, Gideon no solda'dun-nala losa dae too no musu ofun-na. Nai lelek ndia, hataholi manamanea ofu ndia, besak-ka nggati manamanea. Boema Gideon ma solda'dun-nala puu pupuuk-kala, ma ala fepa ba'e sila mamana oen-nala.

LUKAS 6:12

Nai lelek ndia, Yesus kae leo pupukuk esa lain neu soaneu hulu-haladoi. Nai ndia Ana hule-hala doi neu Manetualain, le'odae katemak esa.

MARKUS 13:35

Hu ndia de, emi muse manea, nana emi ta bubuluk neu faik bee ndia, fo uma lamatuak ana fali ma'in – fafa'kama la'e le'donosok, fafa'kama la'e fatila'da neu dua, fafa'kama la'e lolebalahaana na, do fafa'kama la'e le'do tii.

MATEOS 14:25

Lolebalahaak boema, Yesus la'ok tunga oe lain de Ana mai tungas.

MAZMUR 119:55

Ou Manetualain, nai fai le'odaen-na, au afandele O, de au ho'u ahele O hoholo-lalanem.

MAZMUR 28:2

Mamanene au dokodoeng-nga, metema au nggasi, fo au oke tutulu-fafalik, ma au so'uk au limang-nga, fo natu'du leo O Uma malalao-malalafum-ma neu.

YESAYA 51:20

O hataholim-mala, tu'u lai enok-kala lain, nanahu ala male-tale, sama leo nusa nai hihi'ik dale. Manetualain nasa-melun la'es, ma o Manetualaim-ma hala pilan-na, la'es.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YESKIAL 5:10

Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

MAZMUR 134:2

So'uk emi limam-ma, leo mamana malalao-malalafuk-ka neu, fo koa-kio Manetualain leona!

MAZMUR 63:4

O susue-lalaim belin-na, lena heni maso'dak-ka, hu ndia de, au koa-kio O.

AYUB 3:24

Mananggati au nana'ang-nga, nde hoo-nggu'uk-ka, Au ta hahae haladoik-ka fa.

SEMUEL SUSULAK-KA ESAN-NA 7:6

Boema basa-basas lakabubua lai Mizpa. Ala aso oe boema ala po'a henin fo da'di leo tunu-hotuk neu Manetualain basa boema, nai faik ndia dalen-na, ala oka aon-nala. Lafa'da lae, “Ami masala-masingo basa neu Manetualain so.” (Nai Mizpa ndia nde Semuel mulai da'di mauli-alangan neu hataholi Israel-la.)

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 142:3

Au hoo-nggu'u nai matan-na; au afa'dan, basa au susang lala'ena.

YEREMIA 9:20

Boema au afa'da ae, “Hai basa inak-kala lemin! Mamanene Manetualain dede'a-kokolan leona, Manoli emi anafe'om-mala, nakamee kikii-makaleleuk, manoli emi tia-laim-mala, nakamee fafaluk.

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.