RATAPAN 2:17 - Susula Malalaok Hehelu Palak Ma Hehelu Beuk

¹⁷ Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 2:17 Referans Kwoze

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

MAZMUR 89:42

Basa hataholi manala'ok tunga ndia, ala kalo leni hata-heton, ana da'di nakamuu-nakadauk, neme uma titia-tatain-nala.

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

MAZMUR 38:16

Tehu au amahena neu O'ou Manetualain, ma O, fo au Manetualaing-nga, nataa au.

MAZMUR 35:24

Masala'e au, nana O ndoos ma matetuk, ou au Manetualain, boso po'ilotak musu-a eeki-natadale au.

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

YESAYA 14:29

Hai leoina Filistin-nala lemin, ai kalapu'ak fo nanapakek soaneu fepa o-a, la'din so. Tehu o boso mamahoko dei, nana metema mate menge esa soona, menge fo mangalaun-na lena seluk, ana mai nggatin, ma menge tolo-a, ana tutu buta mali'dak.

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

RATAPAN 3:43

O usi ami ma O taomisa ami, O dale kasiam-ma, nanafunik nai O nasa-melum dale.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

MAZMUR 89:43

O fe sesengik neu musun-nala, ma O tao-ma musu noon-na, namahoko-setelee.

YEREMIA 40:3

Besak ia dede'ak ndia ana tao-no'in, nanahu o leoinam-ma nasala-nasingo basa so, ma ala ta nau lamahele neu fan.

ZEFANYA 1:2

Manetualain nafa'da nae, “Neukose, Au tao amopo-amate basa hata manai daebafak-ka lala'en-na: