RATAPAN 1:8 - Susula Malalaok Hehelu Palak Ma Hehelu Beuk

⁸ Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

RATAPAN 1:8 Referans Kwoze

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”

YEREMIA 13:26

Neukose Au nde sisiba'e papake-ngganggaok manai emi aom-ma, fo ela emi makahola-la ma emi mae.

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.

HOSEA 2:10

Neukose, Au o'du akaholak-kana, nai basa tou susuen-nala matan. Ta hapu sila hataholin esa boen, bisa soi-po'in neme Au koasang-nga mai fa.

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

YESKIAL 23:46

Manetualain Fo Mademaina, nafa'da nae, “Maloo-ma, hataholi malenalanga-masa'basook bubuak esa, fo ala fepa-li'u ma lamanako hataholi ka'a-fa'di ka duak sila-la.

YESKIAL 23:29

Nanahu hataholi sila-la ta lahiik loo o fa, de neukose ala loso-la basa o tutunga-sasangam lala'en-na. Neukose ala la'oela o da'di leo ina manasosoa-piao makaholak, fo o da'di bua nanananiluk nai lea matan. O nasa sasaoana manafo'am-ma, ma o manasosoa-piaom-ma nde

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YESAYA 47:3

Neukose hataholi nita o makaholam-ma, nananakadadaek, ma nananakamumulu-nakamamaek. Neukose, Au balas dale he'dik neu o, ma Au ta fe hataholi esa boen, naladeak fa.”

1RAJA-RAJA 9:9

Boema neukose hataholi nataa nae, ‘Nanahu ala la'oela Amak, fo sila Manetualain fo no sila bei-ba'i kai nala kalua leme Masir mai. Ala sene-do'ok neu lamatua daebafa fe'e kala. Hu ndia de, Manetualain fe soe ia tuni nalas.’ ”

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

KEJADIAN 3:7

La'a basa ai boak ndia tutika, dudu'a-aafin-nala latahuka, de lame'da, lae sila makaholak-kala. Hu ndia de, ala tututi-tatapa ai kaak-ka doon-na, de ala babaa ketu aon-nala.

RATAPAN 1:17

Au so'uk au limang-nga fo au oke tutulu-fafalik, tehu ta hapu manafe kokoe-nanasik fa. Manetualain haitua musu, neme bu'u-bu'uk lala'en-na mai; ala mai latee-lata'ti loo au. Ala tao au, sama leo kadafuk-ka, ma buas fo nanamaluak nai sila tala'da heon.

1RAJA-RAJA 9:6

Tehu metema o do o tititi-nonosim lasadea Au ma ta tunga neu Au hoholo-lalaneng ma paletang-nga la boema o sene-do'ok neu lamatua daebafa fe'e kala,

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YESKIAL 39:23

Ma basa leoina-kala, neukose ala bubuluk, lae hataholi Israel-la, nanafook leo mamana tu'u-tapak neu, nanahu sila sala-singon neu Au-a. Au la'oelas so, ma Au po'ilotak musu-a sengis, de musu-a taonisas lai natee-natatik dale.