RATAPAN 1:12 - Susula Malalaok Hehelu Palak Ma Hehelu Beuk

¹² “Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

RATAPAN 1:12 Referans Kwoze

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

YEREMIA 18:16

Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

MAZMUR 88:16

Au doi-doso, ma mamates-sa maku au, neme au anang mai au sota-mangu no lu'a-lepa O huhukum-ma.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 30:23

Manetualain nasa-melun-na nonokabai lii manapopouk-ka, nonokabai ani sangu fo malepaka tuni-ndeni la'e hataholi mangalauk-kala, ma neukose ta naloe fa, metema ana dudu'a-dodonakala beita da'di fa. Neu fai makabuin-na fo neukose Au anang-ngala bubuluk dede'ak ndia.

YEREMIA 48:27

Ade ta makahulun-na hataholi Israel-la ta nanahika-humek neme Moab mai ma nananakamamaek nonokabai sila nanaho'u nak mata-matak lo nakoda-la fa do?

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

YEREMIA 10:19

Laun Yerusalem lalo bebou lae, “Ami hapu bisu matua de ana ta hapu hai fa. Makahulun-na ami maedaenga toto'a-tataak ia ami lu'a-lepan, te sekona taa.

RATAPAN 2:1

Manetualain ho'i nakeketuk nai nasa-melun dale. Ana fe makiu-makahatuk-ka poti-na Sion. Israel matua-mademan fo dedemak lalai-a, Ana tapan leo daebafak-ka neu so. Nai faik Manetualain namanasa, Ana ta taoafik neu Uman manai Sion-na boe.