RATAPAN 1:10 - Susula Malalaok Hehelu Palak Ma Hehelu Beuk

¹⁰ Musun-nala loso leni la'iesak hata-heton-nala so. Nakalenak bai, ana muse mete ala masok Manetualain Uman-na, tatao-nono'ik esa, Manetualain kena-ka'in ba'eneu hataholi fo ta Ndia anan fa.

RATAPAN 1:10 Referans Kwoze

ULANGAN 23:3

Hataholi Amon-nala, ma hataholi Moab-pala, boema tititi-nonosin-nala losa bobongik ka sanahulu-a, ta bole da'di Manetualain anan-nala so'on fa,

YEREMIA 51:51

Emi kokolak mae, ‘Ami nananakadadaek ma nakamamaek hu ka nde hataholi manamai-la lamatuk-la mamana neulauk manai Manetualain Uman.’

RATAPAN 1:7

Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

NEHEMIA 13:1

Nai lelek ala lees fe laun-na Musa hoholo-lalanen boema, ala hapu hala nafa'da mangale'dok-ka nde ia nae: ‘Hataholi Amon ma hataholi Moab-pala, ta bole lakabubua loo Manetualain anan-nala fa;

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

YESKIAL 9:7

Boema Manetualain nafa'das nae, “Tao manggenggeo Au Umang ia leona! Tao mahenu uma so'dan-nala nenik mamates. Tao leona!” Boema ala taolisa hataholi manai kota dale-la.

YESKIAL 7:22

Neukose, Au mete leo fe'ek neu, metema nakodaa sila-la, ala tao lalutu Au Umang-nga, ma ala tao langgenggeon.

YEREMIA 52:13

Nebuzaradan de'de heni Manetualain Uman-na, uma manek-ka, ma basa hataholi nananita-nalelak nai Yerusalem uman-na.

YEREMIA 20:5

Sila musun-nala boeo neukose Au po'ilotak-kasa ala kalo ma ala ho'i leni kota ia su'i-beten-nala, boema sila hata-heton-nala, nakalenak Yehuda manen-nala hata pusakan-nala leo Babel neu.

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YESAYA 63:18

Tao le'e de, O po'ilotak, musu-a heheta-aa'i, O Umam-ma, ma hataholi-la tao langgenggeo, O pupuku malalao-malalafum-ma?

YEREMIA 50:28

Basa hataholi mana malai leo Yerusalem fo mana neme Babel-la ala tui ita Amak Manetualain balas hataholi Babel-la tatao-nono'i neu Manetualain Uman-na.)

ULANGAN 23:4

nanahu nai lelek emi kalua meme Masir mai-a, ala ta nau fe emi nana'a-nininuk fa. Nakalena, ala se'ba Bileam, fo Beor neme kota Petor-a, nai Mesopotamia, fo ana soo-supa emi.

2TAWARIKH 36:18

Manek Babel ndia loso neni la'iesak Manetualain Uman-na hata-heton, ma bua-lo'a kabelin-nala, manek-ka ma basa hataholi mana'a ngga'din-nala hata-heton boema nenis leo Babel neu.

YEREMIA 27:19

Nana Au, Manetualain Fo Manakoasa, fo Israel Manetualain-na, aketu basa ae, basa hata sila-la neukose naso'uk lo Babel neu, ma neukose lahele leme na, losa Au tao afik neu seluk-kasa. Nai lelek ndia soona besak-ka Au uni falik-kasa lo mamanak ia mai. Au, Manetualain, nde manakokolak-ka.” Hata-heto bei hapu nai Manetualain Uman ndia de: dii-la, ule alumunium, kaleta-la, ma hata-heto fe'ek de'ubee fo Manetualain Uman-na nun. Hata-heto fo nana nenik taak o Babel neu ndia, ndek lelek Yoyakhin fo Yoyakim ana manen-na fo manek Yehuda no basa Yehuda ma Yerusalem lasi nggolon-nala nanafook neme manek Nebukadnezar-ra lo Babel neu-a.