PENGKHOTBAH 9:5 - Susula Malalaok Hehelu Palak Ma Hehelu Beuk

⁵ Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

PENGKHOTBAH 9:5 Referans Kwoze

YESAYA 26:14

Mates so, de neukose ala ta laso'da so'on, neukose samanen-nala ta fo'a falik fa. Nana O tao mamate-mamopo la'iesak-kasa so ma O ta mafandeles so'on.

PENGKHOTBAH 1:11

Hataholi a neukose ta nafandele manada'dik manai fai maneuk-ka fa. Leondiak boe, manada'dik besak ia ma manamai ka, neukose hataholi-a ta nafandelen nai fai manamaik-ka fa.

MAZMUR 6:5

Fali ma'im-ma leon Manetualain, fo soi-po'i au, soi-tefa-mala au, nanahu O susue-lalaim.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

AYUB 14:21

Anan-nala da'di hataholi nananita-nalelak, tehu ana ta bubuluk-kana fa. Ma metema, ala da'di hataholi nananakamumulu-nakamamaek soona, ta hapu hataholi nafa'da fan.

PENGKHOTBAH 2:16

Hataholi nggoak-ka, neukose no lai-laik nananafandele henik, tehu hataholi fo nanuu manatee-tenok-ka boeo, neukose lafandele henin. Neu mate'en-na te, neukose mopo ita basa-basa-tala neme hataholi-a nafandendelen-na mai. Ita basa-basa tala muse mate, nau hataholi dodole maneu do hataholi panganaa boe.

MAZMUR 109:15

Nemen-na fo, Manetualain nafandendelek tataas esa, neu sala-singon-nala, ma ta hapu hataholi nafandeles, nai daebafak-ka fa.

PENGKHOTBAH 8:10

Au ita hai hataholi mangalauk-ka maten, de latoi-latonon. Tehu lelek hataholi-la fali leme natoi-natonon mai, te ala koan nai kota fo mamanak ana tao tatao-nono'i managalauk-ka. Da'di ndia boeo manada'di tak.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

PENGKHOTBAH 9:4

Tehu lelek bei nai fai maso'dan-na dalek nai lelek ndia hapu namahehehanak. Ade busa maso'dak-ka ta naua-nanale lena neme singa mates-sa mai hetu?

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

MAZMUR 88:13

Ade, hapu hataholi bubuluk, O tao manada'di beuk-ka, nai makahatuk dale, do O dale malolem-ma, nai nusak fo mamanak, hataholi-a nafandele henin do?

LUKAS 20:32

Mate'e na inak ndia boeo maten.