PENGKHOTBAH 9:11 - Susula Malalaok Hehelu Palak Ma Hehelu Beuk

¹¹ Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

PENGKHOTBAH 9:11 Referans Kwoze

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.

PENGKHOTBAH 3:14

Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

YEREMIA 46:6

Sila fo balakai ina-la ta lalaik labe'i fa, ma sila fo palani tati batu-la ta lala musu-a deak fa. Ala lakatunu ma ala tu'u leu nai lee Efrat-ta su'un kii.

PENGKHOTBAH 7:13

Taoafik neu Manetualain tatao-nono'in. Nana see kande ta hapu tao namandoo hata fo Manetualain tao napeko-pakin?

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

PENGKHOTBAH 2:12

Leomae leo beek boe, manek esa ka'da hapu tao hata esa fo manek makahuluk-kala tao hain so. Boema au mulai dodoo ae: sosoa-ndandaan-na beek, da'di dodole da'uk do panganaa, do nggoak?

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

2 SEMUEL 17:14

Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

SEMUEL SUSULAK-KA ESAN-NA 17:50

Dauk nalai leo Goliat neu, boema napadeik deka non; ana fe'a-na Goliat tafainan-na neme mamanan dale mai, de ana te'te-na hataholi Filistin ndia langan-na. Dauk sengi ma ana taonisa Goliat, ka'da nenik pipiluk ma batu! Lelek hataholi Filistin-nala lita, lae mate sila palani ta'ti batu-na so boema, lalai.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

SEMUEL SUSULAK-KA ESAN-NA 6:9

Taoafik neu lala'on-na; metema neni Peti Hehelu-balataak ndia leo nusan-na neu, fo nde Bet-Semes soona, ndia sosoa-ndandaan nae Israel Manetualain-na, nde fe soe matuaina ndia neu ita. Tehu metema nggalobak ndia ta neu leo naa neu fa soona, neukose ita bubuluk tae soe ndia ta neme Israel Manetualain-na mai fa, te soe manada'di aok ndia.”

MAZMUR 76:5

Tete'ek-ka, O matua-madema, ma mandela-masa'ak, lena heni lete-letek makahulun eli.

AMSAL 1:5

No nanoli-nafa'dak ia-la, de hataholi manatee-tenok-ka boeo, neukose malelan-na boe tama, ma hataholi manasakola basak-ka, neukose ana hapu hehela-nonolek.

PENGKHOTBAH 9:2

Memak, ua-nalek matak esa ana tuni la'e hataholi-a esa-esak; Nau hataholi dale ndoos do hataholi malela ha'da tak-ka, nau hataholi malole do hataholi mangalauk, nau hataholi balisi do hataholi manggenggeok, nau hataholi fo ana tunu-hotu tutunu-hohotuk, do hataholi manatunu-hotu tak-ka boe. Hataholi malole-a, ua-nalen ta malole lena heni hataholi masala-masingok-ka fa, hataholi manasoo-supak-ka, sama no hataholi fo ana ta nau soo-supa fa.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

PENGKHOTBAH 9:3

Da'di ua nalek matak esa, ana tuni la'e basa-basas. De ndia nde been-na dede'ak esa neni dale he'dik, sama leo manada'dik manai daebafak-ka lala'en-nan boe. Nai lelek hataholi daebafak-ka bei nai fai maso'dan-na dalek, dalen-na henuk no tatao-nono'i mangalauk-ka, ma dudu'a-aafin boeo nggoak. Boema no kaiboik natongo no fai mamaten-na.

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’