PENGKHOTBAH 9:10 - Susula Malalaok Hehelu Palak Ma Hehelu Beuk

¹⁰ Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

PENGKHOTBAH 9:10 Referans Kwoze

KOLOSE 3:23

Ladenu emi tao-no'i su'di tatao-nono'i beek ndia boe, ela leo bee na emi tao-no'in no dale katema tuak, nono'ka bai de emi malalau-maoono Lamatua ka nde ndia, te emi ta malalau-maoono ka'da hataholi daebafa ka fa.

EFESUS 5:16

Pake matalolole o fai loam lala'ena, nana le'do-fai besak ia nde bee na, le'do-fai mangalauk.

ROMA 12:11

Maue-male'di no manggatek. Boso pela-bale. Maue-male'di soaneu Lamatua ka tunga Manetualain Dula Dale na hehela-nonolen.

MAZMUR 6:5

Fali ma'im-ma leon Manetualain, fo soi-po'i au, soi-tefa-mala au, nanahu O susue-lalaim.

1 KORINTUS 9:24

Tolanoo ka tao leo bee o bubuluk basa nai nakasusu'di ka dalek, basa mana tunga kala tunga lalaik, tehu ka'da hataholi esa sipo palsen. Hu ndia de, malaik mapane'e fo tolanoo ka sipo palsee na.

PENGKHOTBAH 11:6

Sele-nggali o bini-nggem nai faik fafain-na ma boso hahae nai fai le'odaen-na. Nana ita ta bubuluk sesele-nggalik bee kande moli no malole fa. Fafa'kama duas moli no malole boe.

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

1 KORINTUS 9:26

Hu ndia de, au alaik no dudu'a kisak. Sama leo nai nakasusu'di natu'tu ka dalek, au ta tutu lu'ilapa fa.

YOHANIS 9:4

Nai fai lele'do na soona, ita tao-no'i Ndia fo manamadenu Au a, tatao-nono'in. Nanahu nai fai le'odae na, hataholi a ta tao-no'i so'on.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

PENGKHOTBAH 11:3

Ai ndia tu'u leo bee neu boeo, neukose ndook-ndoo nahele nai mamanak fo ana tu'u neu. Metema ko'as-sa nggeok nanseli soona, u'da matuaina boeo, ana mai leo daebafak-ka mai.

NEHEMIA 4:2

Ana kokolak nai tia-lain-nala ma solda'du Samaria-la matan nae, “Hataholi Yahudi manafuu-mopok, ma ala ta bisa tao hata esa boen ndia, ala tao bek ndia. Ade ala sanga lafofo'a falik kota ia do? Sila laedaenga tataos ndia bisa basan nai faik esa dalen-na, ka'da nenik tunu-hotu tutunu-hohotuk do? Ade ha'i na'a naputu kadafu madodouk sila-la, sila bisa taos da'di papala nanadamak-ka batun-nala do?”

NEHEMIA 4:6

Tehu ami tao matalolole makandoo papala nanadamak ndia, de basa boema ta doo anak boen te, papala nanadamak-ka sa'e losa tala'da so, nana laun-na tao-no'i no manggatek nanseli.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 KORINTUS 16:10

Metema Timotius ne'i soona, sipo kana no malole, fo ela ana leo no emi no namahokok, nana hataholi ndia sama leo au, fo naue-nale'di soaneu Lamatua ka boe.

NEHEMIA 2:12

Dodoo basa ndia, au ta afa'da su'di see boen, ae Manetualain fe au ninitak soaneu afofo'a falik kota Yerusalem-ma. Balahaa le'odae, de au fo'a boema au leleko au nonoong de'ubee de ami la'o no le'odaek leo kota deak meu. Fe'ek neme au sa'e keledei-a mai, ami ta meni bana sasa'e fe'ek fa.

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

BILANGAN 13:30

Tehu Kaleb nakatetesa-nakatatamak hataholi fo dalen-na falahaa neu Musa. Kaleb nae, “Ita muse sapu-ta nusak ndia, fo ata loso-tan besak ia boe, nanahu ita balakain-na dai, soaneu ita sengis.”

KEJADIAN 37:35

Basa anan-nala, nau touk do inak boe, ala mai kokoe-nanasin, tehu ana ta nau kokoe-nanasi fan. Nae, “Neukose au kii-makaleleu ahele au anang-nga losa au mate.” Leondiak ana falu nahele nanahu anan Yusuf.

SEMUEL SUSULAK-KA ESAN-NA 10:7

Metema, basa sila-la da'di soona, tao su'di beek fo o dodoo-nana malole, nanahu Manetualain no o.

AYUB 21:13

Labasa le'do-fain-nala, nai namahoko-seteleek-ka dalek, ma mates no mole-dame.

YESAYA 38:10

“Au afa'da ae, Au teunga besak-ka ba'e duak te, au muse la'o, fo au akababasak au maso'dang fo bei elak-ka, nai hataholi manamatek-kala daebafan-na.

AYUB 10:21

Ta dook-ka so'on te, au u leo nusa makahatuk, ma makiuina dalek u, fo au ta fali so'on,

AYUB 10:22

nusa makahatuk, ma henuk no tasi'bu-a, fo nai bee, mangale'dok-ka, sama no makahatuk-ka.”

AMSAL 3:28

Boso madenu o nonoo hataholim-ma nahani losa balahaa, metema nai hatematak ndia boe, o bisa tulu-falin.

MATEOS 20:7

Boema hataholi sila la lae, ‘Hataholi ta noke ami maue-male'di fa.’ Boema osi lamatuak ndia nae, ‘Metema leondiak soona, meu maue-male'di nai au osi angol dale.’

YOHANIS 5:4

Nana hapu faik fo Manetualain ata nusa so'da na kona leo lifu ndia dalek neu, fo ana koko'bak oe na. Metema lifu ndia oe na nako'ba, fo hataholi kamahe'dis see kona nakahuluk leo lifu ndia dalek neu soona, leomae he'di matak leo beek ndia boeo, ana hai tutik.]