PENGKHOTBAH 8:5 - Susula Malalaok Hehelu Palak Ma Hehelu Beuk

⁵ Hataholi manatungan-nana, neukose nee-nee lino-linok ma tetu-temak hataholi dodole maneu-a bubuluk, faihi'da ma tao leo beek fo tunga manek-ka.

PENGKHOTBAH 8:5 Referans Kwoze

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

HATAHOLI 4:19

Tehu Petrus no Yohanis lataa lae, “Du'a-dodoo matam, bee ka nde malole nai Manetualain mata na: tunga Tua nala paleta na do tunga Manetualain paleta na.

LUKAS 20:25

Yesus nafa'das nae, “Metema leondiak soona, Kesel nuun bee soona, fen leo Kese la neu, ma Manetualain nuun bee soona, fen leo Manetualain neu.”

HATAHOLI 5:29

Boema Petrus ma hataholi nadedenu fe'e kala lataa lae, “Ami muse tunga Manetualain, te ami ta tunga hataholi daebafak fa.

HOSEA 5:11

Israel nanatuni-ndenik, de ta nanuu dae baba'en-na fa, nanahu ka'da nangatuuk nau-nau, fo noke tutulu-fafalik neu hata fo tunga ndoon-na, ana ta bisa tulu-fali fan.

PENGKHOTBAH 10:2

Nandaa, metema hataholi dodole maneu-a, tao malole, ma hataholi nggoak-ka, tao mangalauk.

PENGKHOTBAH 8:2

Metema manek-ka po'i paleta soona, tunga leona ma boso makalupu lai-lai tao hehelu-balataak moo Manetualain.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

AMSAL 17:24

Hataholi dudu'a manadaik-ka, dale tetee-tutu'dan nde, soaneu hapu manatee-tenok-ka, tehu hataholi dudu'a-aafi taak-ka, dale tetee-tutu'dan huu-pe'dan ta.

KELUARAN 1:17

Tehu ina ka duak fo manamakabobongik inak sila nde been-na, hataholi fo ala bii-lamata'u neu Manetualain. Ala ta nau tunga manek-ka paletan ndia fa, de ala po'ilotak basa ni'iana touanak-kala laso'da.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

AMSAL 12:21

Hataholi malole-a, neukose soe ta la'e fan; tehu hataholi mangalauk-ka, neukose susa la'en tataas esa.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.