PENGKHOTBAH 7:14 - Susula Malalaok Hehelu Palak Ma Hehelu Beuk

¹⁴ Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

PENGKHOTBAH 7:14 Referans Kwoze

PENGKHOTBAH 3:22

Hu ndia de, au ame'da ae ta hapu hata fo malole lena ba'eneu hataholi daebafak-ka, neme name'da nita ue-le'din buna-boan. Fe'ek neme ndia mai, ta hapu hata fo ana taon fa. Nai lelek maten soona, ana ta bisa bubuluk hata fo neukose ana da'di fa.

PENGKHOTBAH 3:4

Manetualain naketu faik soaneu kii ma faik soaneu hika, faik soaneu makaleleu ma faik soaneu foti-longe,

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

ULANGAN 28:47

Emi Manetualaim-ma fe basa emi, baba'e-papalak nai basa dede'ak lala'en-na dalek so, tehu emi ta nau malalau-maoonon, no dalek-katematuak ma namahokok fa.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

MIKHA 6:9

Manatee-tenok-ka nde been-na soaneu bii neu Manetualain. Naloo bou-bou neu laun manai kota nae, “Mamanene leon, hai emi fo manamakabubua manai kota lemin!

YEREMIA 23:20

Nasa-melun neukose ta naloe fa, metema Ana dudu'a-aafi nakala basa-basas beita da'di fa. Nai fai makabuin-na neukose Manetualain anan-nala bubuluk dede'ak ndia no mangale'dok.”

MAZMUR 119:71

Memak, malole lenak O huku au, fo ela au alelak O nakeketum-mala.

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

MAZMUR 40:3

Ana hela-na au neme bolok soe-a dalek ma neme tane manai puuk dale-a mai. Ana nangatutuuk au neu, pupuku batu lain, nalosa au ei ngganggani-nga matetuk.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

PENGKHOTBAH 12:8

Au afa'da ae, memak basa sila-la manada'di tak, basa-basan palsuma, ma sosoa-ndandaan taa.

1RAJA-RAJA 8:47

ela leo been-na, O mamanene hule-haladoin-nala. Metema nai nusak ndia ala tukatei-saledale leme sala-singo nala mai, ma ala hule-haladoi neu O no manaku lae sila-lasala-lasingo so, ma tao tatao-nono'i mangalauk soona, mamanene sila hule-haladoin-nala, ou Manetualain.

ULANGAN 8:5

Mafandendelek mae emi Manetualaim-ma, nanoli emi, sama leo amak esa, nanoli anan-nala.

ULANGAN 26:11

Moke makasi neu emi Manetualaim-ma, fo manafe baba'e-babatik neu emi ma emi teidalem-mala. Leleko moo, hataholi Lewi-la ma hataholi nusa dea manaleo nai emi dalek-ka, fo ala tunga nai feta ndia dalek boe.

AYUB 2:10

Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

PENGKHOTBAH 8:7

Ta hapu hataholi esa boen, bubuluk ua-nale beek kande nahani nana fa, ma ta hapu hataholi bisa nafa'da hata fo neukose ana da'di fa.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

PENGKHOTBAH 10:14

Memak, hataholi nggoak-ka bafa maloa. Fai manamaik-ka nananafunik ba'eneu ita basa-basa-tala. Ta hapu hataholi bisa nafa'da ela manada'dik fo nai lelek ita tat-tala so.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 5:17

Boema au bubuluk ae, fo malole nanseli ba'eneu ita, nde ta'a-tinu fo tame'da tita ita ue-le'din buna-boan nai ita maso'da keke'uanan fo Manetualain fen neu ita; Ndia nde ita ua-nalen-na.

RATAPAN 3:38

Malole ma mangalauk-ka nananakalala'ok tunga ka'da Manetualain paletan-na.