PENGKHOTBAH 7:12 - Susula Malalaok Hehelu Palak Ma Hehelu Beuk

¹² boeo sama no doik fo manafe nee-nee lino-lino ka. Baite malelak la'eneu manatee-tenok-ka! See nanuun soona, neukose naso'da.

PENGKHOTBAH 7:12 Referans Kwoze

AMSAL 8:35

Se hapu au soona, ana hapu maso'dak-ka, soona nanda neu Manetualain.

AMSAL 3:18

Hataholi fo, ana ho'u nahele manatee-tenok-ka, neukose ana hapu so'da matetuk ma maua-manalek-ka.

AMSAL 2:7

Ana fe tutulu-fafalik ma nasulu-nahapak neu hataholi dale ndoos ma bu'u-ba'e tak.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 12:50

Ma Au bubuluk basa paletan ndia nini so'da matetu ka ma manaketu basa ta ka. Hu ndia de, Au anduku-alosa kana, sama leo Ama ka nanoli basan neu au a so.”

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

HAKIM-HAKIM 9:15

Boema makatema dila-nggauk ndia nataa nae, ‘Metema, te'e-te'e emi nau tao au da'di emi manem soona, mai masulu-mahapa nai au sa'ong dale. Metema, emi ta nau fa soona, neme au ndanang fo manggauk ia, neukose ana kalua ha'i, fo ana hotu heni basa ai aras manai Libanon-nala.’ ”

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

YESAYA 33:6

ma Ana fe anan-nala, latapo'i leme soe-a mai. Hata fo, manasoi-tefa-nala sila nde been-na, nde manatee-tenok-ka, ma malelak-ka, boema fe ha'da-holomata neu Manetualain.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

AMSAL 9:11

Manatee-tenok-ka ana fe o teu fai manalu.

AMSAL 2:11

O dudu'a manadaim-ma, ma o dudu'a-aafi matanem-ma, neukose lasulu-lahapa o,

MAZMUR 57:1

Soaneu mauli-malanga nakameek. Tunga nakameek: Boso tao mamopo-mamaten. Dauk kokoa-kikion-na, nai lelek ana nalai leo leak dale neu, nanahu ana bii Saul.

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

ULANGAN 32:47

Nana, nanolik sila-la, ta hala kokola louk fa, te emi so'dam-ma nde ndia. Tunga basa paleta sila-la, fo ela emi hapu teunaluk nai nusak fo, ta dook-ka so'on te, emi mangatuu-man nai Lee Yarden-na selik.”

YESAYA 30:2

Ala leu leo Masir leu, tehu ta loke nakeketuk neme Au mai fa. Ala lasulu-lahapa leu Masir, ma lamahena mane Masir-ra, tutulu-fafalin.

AMSAL 14:20

Hataholi-a nape'da dale nasak hataholi nuu-taa hata-taak-ka, lena-lenak tia-lain-nala; tehu hataholi kamasu'i-makabetek-ka, tia-lain makadotok.

PENGKHOTBAH 2:13

Memak, au bubuluk, “Mantee-tenok-ka malole lena neme nggoak-ka mai, sama leo mangale'dok-ka boeo malole lena neme makahatuk-ka mai.

PENGKHOTBAH 7:19

Manatee-tenok-ka tao-na hataholi fo nanuu manatee-tenok-ka aon-na boetai makadelek neme manakoasa 10 nai kota esa.

PENGKHOTBAH 9:16

Da'di, au hahapung-nga la'en nae manatee-tenok-ka lena heni bei-balakaik-ka. Leomae leondiak boe, hataholi nuu-taa hata-taak-ka manatee-tenon-na ta nanataoafik fa. Ta hapu hataholi taoafik neu hala-kokolan fa.

PENGKHOTBAH 9:18

Manatee-tenok-ka masosoa-ndandaak lena neme tafa-sisilo mai, tehu tauk titik esa tao nalutu kapaoe ullek esa.

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.