PENGKHOTBAH 7:1 - Susula Malalaok Hehelu Palak Ma Hehelu Beuk

¹ Na'de kaboomenik-ka, malole lena neme mina kabeliina mai; Ma fai mamatek-ka, malole lena neme fai bobongik-ka mai.

PENGKHOTBAH 7:1 Referans Kwoze

NINITAK 14:13

Boema au amanene hala ka neme nusa so'da ka mai nae, “Sulak-ma ia leona: Mulai besak ia, maua-manalek neu hataholi fo ana mate te bei nalalau-naoono Lamatua ka!” Manetualain Dula Dale na nataa nae, “Tete'e ka! Neukose ala hahae ue-le'di puselaipana ka, nana sila lau-onon buna boan no naheles tatas esa.”

AMSAL 22:1

Na'de malole-a, belin-na lena heni, hata-heto makadotok-ka; hataholi sue-lai ita, malole lena neme ana fe ita lilofulak ma lilopilas.

PENGKHOTBAH 4:2

Au ape'da dalek, lelek afandele hataholi manamate dook-kala so, nanahu sila laua-lanale lena neme hataholi bei maso'dak-kala mai.

2 KORINTUS 5:8

hu ndia de, ami dale ma natea-nahele. Ami mahiik manseli, matapo'i neme ami ao paam ia mai, fo ela ami hapu leo mo Lamatua ka.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

KIDUNG AGUNG 1:3

O maboomeni manseli, o na'dem-ma sama leo mina kaboomenik fo po'a henin; hu ndia de anafe'oanak-kala hii o!

PENGKHOTBAH 10:1

Pena popon-na tao-na mina kaboomenik boto esa naboo, nggoak faa anak, tao namopo manatee-tenok madema.

AMSAL 27:9

Sama leo mina kaboomenik-ka nandaa dale, leondiak boe, tia-laik dale malolen-na, tao napena samanek-ka.

YESAYA 56:5

soona neukose, o na'dem-ma, nananafandendelek nai Au Umang dale, ma nai Au leoinang dale. Ndia malole lena neme, o manuu ana touk ma anainak. Au fe emi na'dek fo, manaketu basa taak-ka, fo neukose, ta nananafandele henik fa.”

AMSAL 15:30

Mata-pana mapenak-ka, tao namahoko dalek-ka, hala malole-a, tao makasufu samanek-ka.

AYUB 3:17

Nai naa, fo nai lates dale, hataholi mangalauk-ka, ta tao tatao-nono'i mangalauk fa, ma kuli manasota-manguk-ka, ana hapu hahaeaon-na.

YOHANIS 13:2

Yesus no ana manatunga nala bei la'a-linu le'odaek, te nitu nadai basa dudu'a mangalau ka nai Yudas fo Simon Iskariot ana na dalen dale, fo sue ka nde ana ke'dindiu Yesus.

MAZMUR 133:2

Ndia, sama leo mina kaboomini mabelik, fo po'an leo Harun langan lain neu, boema ana faa leo ba'dun-na nggalunggapen-na neu.

IBRANI 11:39

Basa hataholi sila la hapu sesengi matua ina nanseli, hu ka nde namahehele nala! Tehu ala ta sipo hata fo Manetualain helu ka fa,

IBRANI 11:2

Hu ka nde namahehele ka, de hataholi lele makahulu na, Manetualain dale na namahoko neus.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

KIDUNG AGUNG 4:10

O susuem-ma la'dan-na seli, fa'ding-ngo, au saoinang-ngo, la'dan-na lena heni angol-la O minam-ma naboomeni, lena heni basa bumbu mata-matak lala'en-na.

PENGKHOTBAH 7:8

Malole lenak dede'ak esa mate'en-na, neme dede'ak ndia manakoasan-na mai; malole lenak boso haelai mamanasa, neme namatutua dalek-ka nanseli.

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

RUT SUSULAN-NA 3:14

Boema Rut sungu neme ndia, deka no Boas ein-a. Balahaa fafaik, fo bei makahahatu anan-na, te Rut fo'a so, fo sue kande hataholi boso nitan. Nana Boas ta nau hataholi esa boen, bubuluk nae Rut neu leo mamanak ndia neu.

AMSAL 25:10

Nana, mahani te, neukose ala de'dek o, da'di leo hataholi bafa manasondaik, fo o na'dem-ma nanggenggeo, nai o fai maso'dam-ma dalek.