PENGKHOTBAH 6:6 - Susula Malalaok Hehelu Palak Ma Hehelu Beuk

⁶ Ma ndia malole lena neme hataholi fo naso'da teuk 200, tehu ta naua-nanale nita fa. Ade duas ta leu leo mamanak matak esa leu fa do?

PENGKHOTBAH 6:6 Referans Kwoze

PENGKHOTBAH 3:20

Duas leu leo mamanak matak esa leu. Ala da'di leme dae mai, de neukose ala fali leo dae leu.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

YEREMIA 17:6

Ndia sama leo na'u-aiana fo manamoli nai mok-ka, fo nai dae tokotik-ka, fo nene-lino-linok ma pilado-kolomasik, ma ta la'i esa boen fo ana hapu malole fa.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 6:3

Leomae hataholi esa anan natun esa, ma naso'da dook-ka, nalosa namalasi, tehu metema ta name'da nita tetu-temak, ma ta latoi-latonom no malolen-na fa, soona tunga au hahapung-nga, ni'iana beuana nanabongi mates-sa, ua-nalen malole lena neme hataholi ndia mai.

MAZMUR 34:12

Mamanene leon, hai ni'iana-la lemin, au anoli emi, fo fe ha'da-holomata neu Manetualain.

AYUB 7:7

Mafandele leon, ou Manetualain, te au so'dang-nga, ka'da ani hahaek esa mesak-kana; mopo au ua-naleng, de ta la'oela leen-na fa.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

KEJADIAN 5:5

Teun 930 boema maten.

PENGKHOTBAH 2:14

Hataholi dodole da'uk-ka hapu nita enok fo sanga neu; hataholi nggoak-ka sama leo ana la'ok nafangganggama.” Tehu au boeo bubuluk ae ua-nalek fo sama, neukose tuni-na sila basa-basas.

PENGKHOTBAH 6:5

Beita nita la'e le'do mahaan-na fa, ma ana beita nalelak maso'dak ia sosoa-ndandaan beek boen, nalosa ana hapu nakandondoo ao no mole-dame.

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

PENGKHOTBAH 9:2

Memak, ua-nalek matak esa ana tuni la'e hataholi-a esa-esak; Nau hataholi dale ndoos do hataholi malela ha'da tak-ka, nau hataholi malole do hataholi mangalauk, nau hataholi balisi do hataholi manggenggeok, nau hataholi fo ana tunu-hotu tutunu-hohotuk, do hataholi manatunu-hotu tak-ka boe. Hataholi malole-a, ua-nalen ta malole lena heni hataholi masala-masingok-ka fa, hataholi manasoo-supak-ka, sama no hataholi fo ana ta nau soo-supa fa.