PENGKHOTBAH 5:6 - Susula Malalaok Hehelu Palak Ma Hehelu Beuk

⁶ Sama-na leo me'is makadotok sila-la sosoa-ndandaan taa, leondiak boe bafa maloa, sosoa-ndandaan ta. Tehu bii neu Manetualain leona.

PENGKHOTBAH 5:6 Referans Kwoze

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

2 YOHANIS 1:8

Hu ndia de manea matalolole, fo boso nalosak emi mamopo hata fo, ami tao-no'i basan neu emi ndia. Sanga enok, fo ela emi hapu sipo la'iesak emi ngga'di ma neme Manetualain mai.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

1 KORINTUS 11:10

Hu ndia de, soaneu tao namahoko ata nusa so'da kala de inak esa muse pake lalaa langak, da'dileo ta'du esa nae, ndia nai tou ka koasan dae.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

IMAMAT 4:2

fo ana po'a-benga neu leoina Israel-la, nae su'di see, fo ta name'da fa te ana tao sala-singok, nenik ana la'olena Manetualain paletan esa soona, muse ana tunga nakanenetek-kala nde ia.

IMAMAT 4:22

Metema, manatao sala-singok-ka, hataholi manakoasa esa, nanahu ta name'da fa te ana la'olena Manetualain paletan esa,

AMSAL 23:17

Boso mape'da dalek neu hataholi masala-masingok-ka. Tunga Manetualain tataas esa,

PENGKHOTBAH 3:14

Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

PENGKHOTBAH 10:12

Hataholi dodole maneu-a, kokolan-na tao-nan manafe ha'da-holomata. Tehu hataholi nggoak-ka mopo-mate, nanahu hala-kokolan-nala.