PENGKHOTBAH 5:1 - Susula Malalaok Hehelu Palak Ma Hehelu Beuk

¹ Dodoo makahuluk besak-ka kokolak, ma boso no lai-laik maheluk moo Manetualain. Manetualain nai nusa so'dak-ka ma o nai daebafak-ka, da'di kila-uku o hala-kokolam.

PENGKHOTBAH 5:1 Referans Kwoze

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 21:27

Manetualain nape'da dale nasak, hataholi malelesik-ka tunu-hotun fa, nakalenak, metema ana tunu-hotu no muu-dauk.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

YOSUA 5:15

Manetualain Manakoasa, malanga solda'du matuainan ndia, nataa nae, “O'du heni o ta'bueim-ma; te o mapadeik nai mamanak ndia nde ben-na, dae malalao-malalafuk.” Boema, Yosua o'du heni ta'buein-na.

KELUARAN 3:5

Boema, Manetualain nae, “Boso deka-deka. O'du heni o ta'bueim-ma, nana o mapadeik nai dae lain ndia nde been-na, malalao-malalafuk.

IBRANI 10:26

Nana metema halak fo ndoos maneme Manetualain mai a, nanananduku-nalosa basak neu ita, tehu ta'ko ita ka'da tao sala-singok takandoo soona, ta hapu seluk tutunu-hohotuk soaneu loseheni ita sala-singon fa.

1 KORINTUS 11:22

Tao le'e de emi tao leondiak? Ade emi uma loom ta do? Emi bisa mi'a ma minu nai uma. Ade fafa'ka ma emi nau makamumulu-makamamaek Manetualain salani nala, ma emi makamamaek hataholi nuu ta kala. Au muse afa'da emi ae le'e bai? Muse au koa-kio emi do? Ta! Neukose au ta koa-kio emi makandondook fa.

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

HATAHOLI 10:33

Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

KELUARAN 30:18

“Tao-ma baak oe esa neme liti mai, ma buin-na boeo tao liti neu. Tao baak oe ndia neu Lalaa Temak-ka no mei tunu-hotuk-ka tala'da, boema sali oe leo dalek neu.

AYUB 22:12

Ade, Manetualain ta leo nai lalai mademaina, de Ana mete leo dae, fo leo nduuk mademaina-la nanseli fa do?

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.