PENGKHOTBAH 4:4 - Susula Malalaok Hehelu Palak Ma Hehelu Beuk

⁴ Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

PENGKHOTBAH 4:4 Referans Kwoze

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 2:21

Nana hataholi daebafak-ka naue-nale'di losa pusen-na titi no ana pake basa manatee-tenon, malelan lala'en-na, fo ana hapu hata esa. Tehu neu mate'en-na te, neukose ana muse la'oela basa sosota-mamangaun buna-boan lala'en-na neu hataholi fo pusen-na ta titi makandondook soaneu ana hapu basa sila la. Da'di, ndia boeo manada'di taak, bai te tete'ek-ka ta ndoos ma matetuk fa!

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

MATEOS 27:18

Pilatus nae leondia nana ana bubuluk basa, mana koasa Yahudi la lo Yesus leondia neu nana, lape'da dalek lon.

PENGKHOTBAH 6:11

Ana boetai nase'i nala dook-ka, boetai hala-kokolan sosoa-ndandaan ta, nakalenak ana ta hapu nanalak hata esa boen.

PENGKHOTBAH 6:9

Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

PENGKHOTBAH 4:16

Nauli-nalanga laun-nala, fafa'kama ta leke nala dede'un-nala fa, tehu ana la'o soona, ta hapu hataholi noke makasi soaneu nafandele tatao-nono'i malolen-na fa. Memak, basa-basan manada'di tak, sama leo sanga enok fo usi anin-na.

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

HATAHOLI 7:9

Boema ita amakai nala lape'da dalek lo Yusuf, nalosa lase'ohenin de ana da'di ata neme Masir. Tehu Manetualain no kana,

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

KEJADIAN 26:14

Hataholi Filistin ala dalen-nala ta malole loo fan nanahu atan ba'uk-ka, bi'ilopo, sapin makadotok nanseli.

KEJADIAN 31:1

Yakob namanene Laban anan-nala kokolak lae leo ia, “Yakob ho'i-na basa ita aman hata-heton lala'en-na so. Basa su'i-beten sila-la, da'di neme ita aman hata-heton mai.”