PENGKHOTBAH 3:14 - Susula Malalaok Hehelu Palak Ma Hehelu Beuk

¹⁴ Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

PENGKHOTBAH 3:14 Referans Kwoze

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

ROMA 11:36

Manetualain nde nakadada'dik basa hata lala'ena. Basa-basan da'di neme Manetualain mai, ma basa-basan soaneu Manetualain. Kokoa-kikiok ba'eneu Manetualain losa dodoo na! Amin.

HATAHOLI 5:39

Tehu metema ana da'di neme Manetualain mai soona, neukose tolanoo kala ta sengi fas. Dede'a nasasfali na nae, fafa'kama lae tolanoo kala nde la'ban Manetualai na.” Mana Maketu-Mala'di Matua, ala sipok Gamaliel nanoli-nafa'dan ndia.

AMSAL 30:6

Metema, o makadaik hata fo nafa'dan, soona neukose Ana ka'i o, ma Ana fe buti, nae o masapepeko-masandandalik.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

EFESUS 3:11

Manetualain tao dede'ak ndia, nandaa no dale tutu'u mana ketu basa ta na, fo Ana taon ninik ita Lamatuan Kristus Yesus nde da'di lelete a.

HATAHOLI 4:28

Basa-basas teikesa-dalekesa fo ala tao basa hata lala'ena, fo O maketu basa makahulu kana mae, neukose dede'ak ndia ana da'di. Boema O maketu dede'ak ndia tunga O koasa ma, ma O hihii-nanau mesa ma.

HATAHOLI 2:23

Manetualain naketu basa nae, Ana fe emi Yesus fo dede'ak ndia nandaa no dale tutu'u na. Tehu nai lelek fo Ana fen mai, boema emi taomisan, nana emi po'ilotak hataholi mangalau kala, ala lona nggange lisan.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

PENGKHOTBAH 7:18

Madook aom-ma neme dede'a ka duak sila-la mai. Metema ita bii neu Manetualain soona, tao leo bee-o ita hapu buna-boa malole.

PENGKHOTBAH 5:7

Boso dodoo doak-kana, metema mita manakoasa-la tuni-ndeni hataholi nuu-taa hata-taak-ka, loso-la hataholi sila haak-ka, ma ala ta fes ndoos ma matetuk fa. Malangan-na nasulu-nahapa hataholi mana'a ngga'di-la esa-esak, ma manapaleta manai lain-na nasulu-nahapa duas.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

MAZMUR 64:9

Mopo-mates, nanahu hala-kokolan-nala, basa hataholi fo, manalitas-sala, lakakale langa.

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

DANIAL 8:8

Bi'ihii mane ndia boetai namatuak-ka. Tehu lelek ana losa koasan-na mate'en-na boema, la'di heni susula matuainan ndia, boema susulak mata beuk 4, ala moli nai mamanak ndia, de esa-esak natu'du leo mamana fe'ek neu.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

2 SEMUEL 22:31

Manetualain tatao-nono'in matet Manetualain u-mandaak, Manetualain hehelu-balataan, hapu nananamahelek! Ndia sama leo buas sisili musu ba'eneu basa sila fo manamasulu-mahapa neun.

PENGKHOTBAH 5:6

Sama-na leo me'is makadotok sila-la sosoa-ndandaan taa, leondiak boe bafa maloa, sosoa-ndandaan ta. Tehu bii neu Manetualain leona.