PENGKHOTBAH 2:3 - Susula Malalaok Hehelu Palak Ma Hehelu Beuk

³ Au hihii-nanaung nakatutuluk au, fo au da'di hataholi dodole da'uk, ma au daleng-nga kisak soaneu amahoko-setelee nenik au inu angol ma tao feta dote. Au ae daenga, ndia nde enok malole ba'eneu hataholi daebafak-ka, fo ana bubuluk maso'dan-na keke'uanak nai daebafak ia.

PENGKHOTBAH 2:3 Referans Kwoze

AMSAL 20:1

Ala-lalu-a, taon-na hataholi-a da'di malela ha'da tak ma manatao tasi'bu. Hataholi fo ninu losa ana mafuk soona, hataholi nggoak ndia.

PENGKHOTBAH 1:17

Boema au daleng-nga kisak soaneu bubuluk malelak-ka no nggoak-ka ta matak esa fa, nai manatee tenok-ka no nggoa-panganaa-ka. Tehu se'kona, au ia ka'da sama leo hataholi manausi anin mesak-kana.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

PENGKHOTBAH 7:25

Tehu au anoli te'e-te'e fo sanga malelak-ka, fo ela au hapu manatee-tenok-ka, ma natataak soaneu natatanek lala'en-na. Au so'ba bubuluk sala-singok ndia tatao-nono'i nggoak, ma tatao-nono'i manalauk-ka nde been-na napalanik.

PENGKHOTBAH 7:18

Madook aom-ma neme dede'a ka duak sila-la mai. Metema ita bii neu Manetualain soona, tao leo bee-o ita hapu buna-boa malole.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

SEMUEL SUSULAK-KA ESAN-NA 25:36

Lelek Abigail fali ne'un leo Nabal neu, te se'kona hapu feta matua nai uman, sama leo feta manek-ka. Ma hu kande Nabal mafuk ma namahoko-setelee, de le'odaek ndia, saoinan-na, ta kokolak non hata esa boen, losa balahaa.

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

HAKIM-HAKIM 9:13

Tehu, ai angol-la nataa nae, ‘Hapu nai bee, au muse hahae fe angol fo tao tesa-tama lamatua daebafak-kala, ma hataholi daebafak-ka dalen-na, ka'da soaneu da'di emi manem-ma!’

MAZMUR 104:15

de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

PENGKHOTBAH 8:15

Au ho'i keke'un nde ia nae: hataholi-a muse namahoko-setelee. Nanahu nai maso'dan nai daebafak-ka ta hapu namahoko fe'ek ba'eneun fa te ka'da na'a ninu ma namahoko-setelee. Ana hapuk-ka ka'da nde ndia nai sosota-mamangun dale, nai fai maso'dan fo Manetualain fen-na dalek.

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.