PENGKHOTBAH 2:23 - Susula Malalaok Hehelu Palak Ma Hehelu Beuk

²³ Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

PENGKHOTBAH 2:23 Referans Kwoze

AYUB 14:1

Mulai neme hataholi ndia bongin mai-a, aon-na manandole-ndakuk, ma be'i-balakain ta; So'dan-na keke'uanak, boema henuk no doidosok-ka.

AYUB 5:7

Ta! Te hataholi daebafak-ka, nde neni soe soaneu aoinan-na mesak-kana, sama leo ha'i masapipiti neme ha'i-a mesak-kana mai.

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

DANIAL 6:18

Basa ndia boema, ala tatana ketu leak ndia bafan-na nenik batu matuaina esa, ma manek-ka de'dek batu ndia, nenik nusak-ka dede'den-na, ma basa hataholi matua-madema-la dede'den-na, nalosa ta hapu hataholi esa boen, bisa po'i Danial neme singa sila-la mai fa

PENGKHOTBAH 5:12

Au ita nai daebafak ia, hapu hata esa neni dale he'dik: Hataholi esa pe'da nadodou hata-heto soaneu fai to'a-taak-ka.

PENGKHOTBAH 1:18

Nana ita manatee-tenon-na boetai namaba'uk-ka soona, ita bibii-namata'un boeo, boetai namaba'uk-ka. Ma ita malelan-na boetai namaba'uk-ka soona, ita susan-na boeo, boetai namaba'uk-ka.

MAZMUR 90:15

Fe ami ua-nale malole, fo belan-na sama no doidosok fo ami lu'a-lepan nai teu-teuk doidosok-ka dalek.

MAZMUR 32:4

Lele'do-le'odaen, O ne'e au, Manetualain, basa au be'i-balakaing, sama leo le'do haan-na, nakamusi-nan.

ESTER 6:1

Nai le'odaek ndia boe, manek-ka ta hapu sungu fa. Hu ndia de, noke ho'i fen susulak fo, ala sulak nusak-ka tutuin-na nai dalek-ka, de nadenu hataholi, fo ana lees-sana.

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

PENGKHOTBAH 1:13

Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 5:17

Boema au bubuluk ae, fo malole nanseli ba'eneu ita, nde ta'a-tinu fo tame'da tita ita ue-le'din buna-boan nai ita maso'da keke'uanan fo Manetualain fen neu ita; Ndia nde ita ua-nalen-na.

PENGKHOTBAH 8:16

Lelek au sanga enok fo hapu manatee-tenok-ka, ma au taoafik neu manada'dik manai daebafak ia lala'en-na, boema au ame'dan, leomae lele'do-le'odaen ita sota-mate, ta hahaeao-tala faa anak boen,